ژێدەرەكێ نێزیك ژ ئێكەتی نیشتمانی كوردستان هەڵویستێ وێ حزبێ دەربارێ دەستكاریكرن و كێمكرنا مووچەیێ فەرمانبەران ئاشكرا كر.
لدووڤ پێزانینێن ماڵپەرێ ( شار پرێس ) حكومەتا هەرێما كوردستانێ سیستەمێ نوو یێ دابەشكرنا مووچەیێ فەرمانبەرێن هەرێما كوردستانێ بەرهەڤكریە و دخوازیت ل چەند رۆژێن داهاتی وی سیستەمی بۆ خەلكێ هەرێمێ ئاشكرا بكەت،
لێ لدووڤ ماڵپەرێ شارپرێس كو ژ زاردەڤێ ژێدەرەكێ نێزیك ژ ئێكەتی نیشتیمانی كوردستان بەلاڤكرییە،هەردوو هەڤسەرۆكێن ئێكەتی نیشتیمانی لاهور شێخ جەنگی و باڤل تالەبانی نەڕازیبوونا خۆ لسەر دەستكاریكرن و كێمكرنا مووچەیێ فەرمانبەران دووپاتكرییە و دایە زانین كو ئەڤە هەڵویستێ ئێكەتی نیشتیمانی كوردستانە
بشێوەیەكێ گشتی.
مالپەرێ شارپرێس ڕاگەهاند، لاهور شێخ جەنگی دەربارێ كێمكرنا مووچەیێ فەرمانبەران و ئەگەرێ دروستبوونا نەڕازیبوونێ گوتیە: ئەگەر خۆپێشاندان لهەمبەر كێمكرنا مووچەیێ فەرمانبەران بهێتە كرن، ئەو نەشێن رێگریێ لێبكەن