كوردستانینووچه‌

١١ پەرلەمانتارێن پەرلەمانێ کوردستانێ داخوازا بلەز ئازادکرنا بەدەل بەرواری دکەن

د نڤیسارەکێ دا ١١ پەرلەمانتاران ژ فراکسیۆنێن جودا یێن پەرلەمانێ کوردستانێ داخوازا ئازادکرنا بلەز یا مامۆستا بەدەل بەرواری دکەن، کو دەما ١١ ڕۆژانە هاتیە دەستەسەرکرن.

د نڤیسارێ دا وان پەرلەمانتاران گوتیە، “ئەڤرۆ (٢٦-٥-٢٠٢٠) ١١ ڕۆژ دەربازبوون بسەر دەستەسەرکرن و ب نەهەق هێلانەڤەیا مامۆستا بەدەل بەرواری د زیندانێ دا، کو تۆهمەتا دەستەسەرکرن و هێلانەڤا وی د زیندانێ دا تنێ ئەوە بەڕەڤانی ژ مافێ خۆ کریە و نەڕازیبوون لهەمبەر گیرۆبوونا مووچەیێ خۆ نیشاندایە”.

دیارکرنە ژی، “کو پێدڤیە وەزیرێ ناڤخۆیێ حکومەتا هەرێمێ ڤی مامۆستای ئازاد بکەت و چدی ب تۆهمەتا نەڕازاتی نیشاندان و ڕێپیڤانێن هێمنانە، مامۆستا و چالاکڤان نەهێنە دەستەسەرکرن و تۆهمەتێن بێ بنەما ڕووبڕووی وان نەهێنەکرن”.

هەروەسا داخواز ژ لیژنەیێن مافێ مرۆڤان و ناڤخۆ و پەروەردێ ل پەرلەمانێ کوردستانێ و وەزارەتا پەروەردا حکومەتا هەرێما کوردستانێ کریە، “د خەما پاراستنا گیانێ مامۆستا بەدەل بەرواری دابن و چدی بێدەنگ نەبن لهەمبەر هێلانەڤا ناڤبری د زیندانێ دا”.

ڕۆژەکێ بەریا خۆنیشاندانا ڕۆژا ١٦ێ ڤێ مەهێ مامۆستا بەدەل بەرواری کو یەک بۆ ژ ڕێکخەران ژ ئالیێ هێزێن ئەولەهیێ یێن دهۆکێ ڤە دەستەسەرکرن، هەیا نها ژی نەهاتیە ئازادکرن.

ناڤێن پەرلەمانتاران:

‎سیپان ئامێدی

‎سۆران عومەر

‎دیاری ئەنوەر

‎ئەبوبەكر هەڵەدنی

‎گۆران عمر علی

‎د. شێركۆ جەدەت

‎هەڵز ئەحمەد

‎مژدە محمود

‎جلال محمد

‎ڕووپاك ئەحمەد

‎دابان محمد

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close