ژ جەنگێ ئازادکرنا عیراقێ سالا۲۰۰۳ تا نوکە چجارا وەک نوکە پەیوەندیێن پارتی و ئێکەتیێ خراپ نەبوینە و ، هندە بێباوەری و ساردی نەکەفتیە پەیوەندیێن دناڤبەرا وان دا
ژبلی ژکارکەفتنا ریککەفتنا ستراتیجیا دناڤبەراوان دا ، دنوکە هیچ هەماهەنگی و هەڤکاریەک ناهێتە دیتن دناڤبەراوان نەدناڤ نافخویا هەرێما کوردستانێ ، نە ل گەل بەغداو دەرڤەی کوردستانێ ، دبیاڤێ پەیوەندیێن نافخودا هەرچەند هەردولایەن د کابینا حکومەتێ دا بەشدارن
لێ دەمەکێ زورە ب ئاشکراهی دیاردبیت کو ئێکەتی هەم رولێ دەسەلاتێ و هەم رولێ ئوپوزوسیونێ دگێریت و ل گەلەک پروژە یاساین پەرلمانێ دناڤ رێزێن ئوپوزوسیونێیەو پشتاخو دایە پارتی
گرێدانا کونگرێ ئێکەتیێ و هەلبژاردنا سەرکردایەتیا نوی یا پارتا ناڤبری کو دئەنجامدا لایەنێ تاوانبار ب رودانێن ۱٦ ئوکتوبەرێ تێدا دەرچون و بوونە خودان دەسەلاتا سەرەکی
پەیوەندیێن پارتی و ئێکەتی چونە قوناغەکادی دیدا چونکە پارتی نە وەک مێڤان هاتە داخوازکرن بوناڤ رێزێن کونگرەی نە پیروزباهی ل سەرکردایەتیا نوی یا ئێکەتیێ کر
ئەڤەژی بوئەگەرێ هندێ کەڵێن و بێ متمانەییا دناڤبەرا واندا زێدەتربیت و ب رادەکی کو هەتا نوکە نەشیاینە کومبونەکێ گرێبدەن ، دیسان رودانێن زینا وەرتێ بەڵگەکێ دیبون کو تا چ رادە بێ باوەری و ساردی دناڤبەرا وان دا دروستبویە ، سەرکردایەتیا نوی یا ئێکەتیێ کو ژ سیتەمێ هەڤ سەروکی پێکهاتیە
دشێن بێژین دژوارترین باسکێ ئێکەتیێ یەو شیایە کنترولێ ل سەر هەمێ جومگێن دەسەلاتێ دناڤ ئێکەتیێ و سەرانسەری زوما کەسکدا بکەتن و ناهێتە چاڤەرێکرن کو ل ڤان نزیکان پەیوندیێن وان دگەل پارتی خوشببن و رێکبکەڤن ، چونکی ب ئاشکەرایی راگەهاندیە ئەوان دڤێت پشکا وان وەکی یا پارتی بیتن د حکومەتێ و هەڤپشکا راستەقینەیا پارتی بیتن د دەسەلاتێ و دروستکرنا بریارێ ل هەرێما کوردستانێ
دبیاڤێ پەوەندیێن دگەل هێزو لایەنێن بەغدا دیسان دشێن بێژین چ هەماهەنگی و هەڤکاری دناڤبەرا پارتی و ئێکەتیێ دا نینە ، کوئەڤە بویە ئەگەرێ هندێ رولێ کوردان زور لاوازببیتن دکابینا نوی یا بسەرکردایەتیا
( مستەفا کازمی ) ، هەرچەندە دەمەکە رولێ کوردان ل بەغدا لاوازبوی ب تایبەتی پشتی ئەنجامدانا ریفراندومێ و رودانێن ۱٦ ئوکتوبەرا ۲۰۱۷ کوبویە ئەگەرێ هندێ رول و پشکا کوردان دحکومەتا عادل عبالمهدی
و وەنوکە مستەفا کازمی دا زور کێم ببیت . ل ڤێرێ جهێ پرسیارێ ئەوە ئایا پارتی و ئێکەتی وەک دوو پارت و هێزێن سەرەکیێن هەرێما کوردستانێ دێ شێن ڤێ قوناغێ تێپەرینن و پەیوەندیێن
خو ئاسایی کەن ، یان ب پێچەوانە ساردی و بێ متمانەیی دناڤبەرا واندا بەردەوام بیت و کودبیت رێخوشکەربیت ناکوکیێن کیرو دیروکیێن دناڤبەراوان زێندی ببن و ب ئاقارەکێ خراب دا بچن
