ژننێرین

نڤیسینێن مە وەک ئیلهام بڵا دیاسایێن خوە یێن خوەزایی ین ڕەها دابم ..

د نھا دا تەکنەلوژیا بویە پەڕتوکەکا نامیلکە یا بێ دەست و پێ دگەریانێن خوەدا، دیسان بویە سەدەمێ ھندێ تاکێن جڤاکی کو ئێدی خوەشی و چێژا جاران ژ دەست دا بیت،یا راستین نەمازە ئەگەر ئەم ھەلسەنگاندنەکێ بکەین دگەل تێنڤیسێن کەڤن و نھا دا دێ بینین یا خوە ل رێژەکا نە خویا دای، ھەر تشتەک ب ساناھی ئەم وەربگرین ب نێرینا من ئەو تشتەک دەمکیە!، لێ دەما تێنڤیسێن مە گەشتا بکەن بو ب ئەستەم ترین رێکار دێ بینی ئەو تێنڤیس وەک نامەکا نەمر خوە ئافراند دناڤا تاکان دا.

ئەو پڕۆتۆکۆڵێن ھەمبەر زھنییەت و دەستێ تێنڤیسینێ دا دبینم پێک نەکرنەکە ژبوی دارشتنان!،جارنا ژی ئەم وەھا حەزدکەین نڤیسینێن مە د زھنییەتا مە دا ببیتە ئەندێشە!،یان ئەو پرەنسیپێن تێنڤیسینێ دبە وێنەک د پەرتوکەکا رویس دا و نە پارڤەکری.

نڤیسینێن مە و ئیستراتیژیاتێن ھزرکرنا مە ژبوی نڤیسینێ یا د پەتایەکێ دا کو روژ لدویڤ روژێ بەرەڤ رێژەکا بەرز جھێ خوە دکەت دناڤا جڤاکی دا، ژبەر ئەم حەزژ نڤیسینێن ئامادە دکەین و ئەم جڤاکەک وەھایینە حەزژ ڕوتینا ھزرێ دکەین و حەزژ نویبونا ناکەین نا خوازین تشتێن نوی و ھزرێن نڤیسینێن نوی دگەل مە شەری بکەن و ب ھەڤرا سەرھلدانەکێ پەیدا کەین ژبوی کو ئەم بشێین ب زەلالی ھزر د نڤیسینێ دا بکەین،ئەگەر چەند تەکنەلوژیا بەرەڤ پێش بچیت بلا نڤیسین ژی بەرەڤ پێش بچیت و بەردەوام د ھەوڵان دا بیت ژبوی وێ یەکێ زیندی ببیت و ببیتە ھونەرەک و روحەک ئایدیالی.

د ئێک ژ پەرتوکێن نوی دا ب ناڤێ “پێلاڤا خوە بێخە” دا ھاتیە:
نڤیسەر “یاسر حارب” لسەر ڕەوشەنھزرییێ و مرۆڤا و ئەقلانییەت و خەونێن وان،ھەروەسا سەبارەت دەمێ نوکە چ تشت ل پێشییا وان نینە! و چ تشت ل پاشییا وان نینە،دنڤیسیت. ئەوی دڤێت ئەم د “دەمێ نوکە” دا بژین، ژبەرکو ھەر وەکی ئەوی ب خوە گۆتێ دەمێ نوکە ڕاستییا ڕەھا یە.
ب نێرینا من ئەڤە ھەڤسەنگیەکە دناڤبەرا دەمێ کەڤن و نھا دا ژبەر دەما بەرێ ژی بو وان نڤیسین دەمەک ڕەھا بو، لێ د نوکەییا نوکە دا نە دەمەک ڕەھایە،ێژەک کێم نەبیت ڤی دەمێ نھا بکە ڕەھا رێژا زورترینا ب رێژەیی ل قەلەم دایە.

دیسان پەرەگرەفەکا دن ھەیە لگورەی نڤیسینێ ل ھەمان پەڕتوک دا دبێژیت:
داکو ئەم ب نڤیسین مە پێدڤی ب یاسایێن نڤیسینێ نینە!،نوکە دەست ب نڤیسینێ بکە و دگەل بۆرینا دەمی دێ فێربی، یا گرنگ ئەوە فێر ببی پەیڤا دناڤ تبلێن خوە دا بینییە دەر نەکو ژ پشتا خوە، ئەوا کو تو دنڤیسی ژێ نە تڕسە،ئەوێن ژ پەیڤێن خوە بتڕسیت ئەو ژ ھەژی ڕاکرنا پێنڤیسی نینە،دیسان دەما ئێک ژ مە دەست ب نڤیسینێ دکەت،نڤیسینا وی دبیتە پشکەک ژ وی،پاشی ئەو ژی دبیتە پشکەک ژ نڤیسینا خوە.(ئەوێ کو دنڤێسیت ئەو پشکەکێ ژ ڕوحا خوە ب مرۆڤایەتییێ دبەخشیت).ھەر دەمێ پشتی وی کەسەک بھێت و ئێک ژ کارێن وی بخوینیت،ئەو دێ سەر ژنوی وی زیندی کەت، نڤیسین کارەکێ پیرۆزە.

ل گورەی من نە نڤیسان شێرپەنجا پەرتوکێ یە!، نڤیسان حەوانگەھا مالا ئارامیێ یە!،ئەو نڤیسنێن ئەم دنڤیسین ئەو ئازادیەک نویخوازە.
جارنا خوەدی تێنڤیسەک وەھا دکاریت خوەھدانا خوە بکە روویبارەک مینا رویبارەکێ “مەعریفەتێ” و جارنا ئەو رویبار ھەر دناڤا خوەدا دزێت و ئاڤا خوە دکە دناڤا دەمارێن مە یێت ھشک ژبوی تەڕبونا وان دەمارێن نڤیسینێ و ببە مورەکەبەک ژبوی نڤیسینێ…

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close