بالەفرێن شەڕیێن تورکیا بۆمبەبارانا سنورێ ناحیەیا چەمانکێ یا گرێدایی قەزا ئامێدیێ کرن، زەرەر نەهاتنە زانین.
دەمژمێر دوو و ٣٠ خولەکێن پشتی نیڤرۆیا ئەڤرۆ ئەینیێ بالەفرێن شەڕیێن تورکیا بۆمبەبارانا سنورێ گوندێ گەڤەرکێ یا گرێدایی ناحیا چەمانکێ کرن، لێ ژبەر کو ئەو گوند یێ ڤالایە و دووری ناڤەندا ناحیەیا چەمانکێیە و ناهێتە زانین زەرەرێن وێ بۆمبەبارانێ چبوونە.
هەیا دهێت بۆمبەبارانا بالەفرێن تورکیا بۆ سەر دەڤەرێن هەرێما کوردستانێ زێدەتر دبیت، حەفتیا دەربازبوویی ژی ژ ئەگەرا تۆپبارانێن ئارتێشا ل سنورێ ناحیەیا چەمانکێ کچەکا ١٣ سالی برینداربوو
