سەرۆکێ ڤەلڤینا نەوەی نوێ ڕاگەھاند، حەفتیا داھاتی حەفتیا خۆنیشاندان و رووخاندنا ڤێ دەستھەلاتێ یە و ھەر گرۆپ و ئالیەک و کەسایەتیەکێ نەرازی ھەیە ، دڤێت پێکڤە ھەموو خۆنیشاندانا سەرتاسەری ل ھەرێما کوردستانێ ئەنجام بدەن و ئەو ژی دێ وەک وەلاتیێن ڤێ ھەرێمێ دگەل بن و دێ دگەل خەلکێ خۆ بن.
ئەڤرۆ شەمبیێ ، شاسوار عەبدولواحید سەرۆکێ ڤەلڤینا نەوەی نوێ د پەرەیێ خۆ یێ تایبەت د فەیسبووکێ دا بەلاڤکریە، ” ڤێ دەستھەلاتێ چ نەمایە و دەما رووخانا وێ یا یەکجاری ھاتیە، لێ ئەوا کو پیچەک ڤێرا بگەھیت و کێمەکێ ژیێ وێ دڕێژ بکەت ، دوورکەفتن و ساربوونا جەماوەر و خەلکی یە”.
دبێژیت ژی ،” دەستھەلات دخۆازیت ھەموو گرۆپ و خەلکێ نەرازی پارچە پارچە بکەت، دخۆازیت گۆمانێ لسەر خەلکێ باش و خۆدان نیەتا باش درووست بکەت و ب وێ یەکێ خۆ و خەلکێ نزیکی خۆ دێ ل پێشیێ دانیت ب ناڤێ خەلکێ نەرازی ، کو جەماوەری سارد بکەن و خەلکێ نەرازی بکەن دۆژمنێن ھەڤدوو ، دخۆازن خەلکێ نەرازی ژ شوونا گۆتنا وان ھەمبەر دەستھەلاتێ بیت ، گۆتنێن وان ھەمبەر ھەڤدوو بن و ھەڤدژی یەکبن”.
ئاماژە کریە ژی، ” ژ بەر وێ یەکێ ھیڤیێ ژ تەڤاھیا وەلاتیێن ھەرێما کوردستانێ دکەم ئاگەھداری وێ یاریێ بن، زۆلما دەستھەلاتێ و ئەو ھەموو نەھەقی لبیرا ھەوە نەچیت ، نەھلێن ب ڕێیا چەند کەسان کو دبن ڤە را پەیوەندی دگەل دەستھەلاتێ ھەیە و بەرژەوەندی ھەیە ، مللەتی سار کەن و خەلکێ نەرازی پارچە پارچە بکەن”.
دیارکریە ژی،” هەرکەس و گرۆپەک ژ ڤێ دەستهەلاتێ نەرازییە، دڤێت بەرژەوەندیا میلەتی ب پێشیا هەموو تشتەکی بیت و دەنگێ نەڕازبوونا خۆ بلند کەت و بلا ئەم هەموو ب هەڤڕا خۆنیشاندانا سەرتاسەری ل هەریما کوردستانێ بکەین و ئەم ژی وەک وەلاتیەکێ ڤێ هەرێمێ دێ دگەل وان و خەلکێ خۆ دابین”.
بەحسا وێیەکێ ژی کریە، ” دێ ل ڤێرە ب هەموو ئالیەکێ ڕاگەهینین دێ ل هەفتیا داهاتی خۆنیشاندانا سەرتاسەری دەستپێکەت و دی کەینە حەفتیا ڕۆخانا ڤێ دەستهەلاتێ، ئەم هەموو ب هەڤڕا بەرەڤ یەک ئارمانج، ئارمێنجێن مەزن، ئارمانا گۆهرینا ڤێ دەستهەلاتێ، کو ئەڤە ٢٩ سالن زولم و ستەمێ ل خەلکێ خۆ دکەتن”.
ڕاگەهاند ژی،” خۆنیشاندان بۆ داخوازکرنا مافێ تەیە، نەک مافێ کەسێن دی، خۆنیشاندان لبەر خاترا تەیە، نەک لبەر خاترا کەسەکی دی، خۆنیشاندان بۆ وێیەکێ یە کو تەو مالبات و زارۆکێن نە ژیانەکا خۆشتر و هەژی تر هەبیت، نەک ژ پێخەمەت حزب و ئالیەکێ دی”.
شاسوار عەبدولواحید د داویا پەیاما خۆ دا دبێژیتن ژی،” پێتڤیە وەلاتیێن ئاسایی، فەرمانبەر و مووچە خۆر، کاسبکار و خەلکێن ناڤ بازاری، گەنجێن بێ بەش ل سەروەت و سامانێ ڤی وەلاتی و کەسێن ب تەمەن و ئەزموندارێن ڤێ هەرێمێ، ژن و کەچ و مل ب ملێ زەلامان، هەموو ب هەڤڕا بۆ حەفتیا بهێت بەرهەڤبین، حەفتیا بلنکرنا دەنگێن مە و بێدەنگ نەبوون ژ مافێن خۆ”
