ساخله‌می

ئەڤرۆ ڕۆژا جیهانیا بەرهەنگاربوونا جگارە کێشانێیە

ئەڤرۆ ٣١ێ گۆلانێ ڕۆژا جیهانیا بەرهەنگاربوونا جگارە کێشانێیە و د ڤێ بیرئانینێ دا ژی سازیا ساخلەمیا جیهانی تەکەزیێ لسەر گرنگیدان ب ساخلەمیێ و ڕێگرتن ژ پیشەسازیێن جگارێ و کێشانا نیکۆتینێ دکەت ب مەرەما ئاڤاکرنا نفشەکێ ساخلەم.

لگۆری بەلاڤکریەکا سازیا ساخلەمیا جیهانی، سالانە هەشت ملیۆن کەس ژبەر جگارێ ژیانا خۆ ژدەست ددەن، کو حەفت ژ وان ب کێشانا ڕاستەوخۆیە و زێدەتری یەک ملیۆنێ ژی جگارەکێش نینە، لێ نەڕاستەوخۆ باندۆری لسەر دهێتە کرن و ژیانا خۆ ژدەستددەن، هەر لگۆری بەلاڤکریێ ڕێژەیا جگارەکێشانێ د جیهانێ دا یەک ملیار و سێ ملیۆن کەس دبن کو ٨٠% ل ولاتێن کێم دەرامەت و جیهانا سێیێ دانە.

هەر ژبەر ڤێ یەکێ ژی، سازیا ساخلەمیا جیهانی بفەر دزانیت بۆ پاراستنا نفشێن داهاتی، ئەڤسالە تەکەزیێ لسەر پاراستنا گەنجان و دوور خستنا وان ژ پیشەسازیا جگارێ و کێشانا نیکۆتینێ بکەت.

سالانە ڕۆژا جیهانیا بەرهەنگاربوونا جگارەکێشانێ ل ٣١ێ گۆلانێ دهێتە ساخکرن، ئارمانج ژی ژ دانانا ڤی پرۆژەی و دیارکرنا ڤێ ڕۆژێ، پەروەردەکرنا وەلاتیانە دەربارەی وان مەترسیان کو ب ڕێیا جگارەکێشانێ لێ ڕاست دهێن.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close