تۆڕا پارێزەرێن خۆبەخش ل دهۆکێ ڕاگەهاند، دادگەهێ بڕیارا ئازادکرنا ب کەفالەت بۆ مامۆستا بەدەل بەرواری دەرکر.
خەتاب عومەر سەرپەرشتێ تۆڕا پارێزەرێن خۆبەخش ل دهۆکێ ڕاگەهاند، ئەڤرۆ سپێدێ دادگەهێ بڕیارا ئازادکرنێ ب کەفالەتا دوو ملیۆن دیناران بۆ مامۆستا بەدەل بەرواری دەرکر و د نها دا مامەلەیێن ئازادکرنا وی دهێنە بڕێڤەبرن.
دیارکر ژی، “ئەڤ سکالایا کو مامۆستا بەدەل بەرواری لسەر هاتبوو دەستەسەرکرن لدیف ماددەیێ دوو یێ خراب بکارئینانا ئەلکترۆنیاتان بوویە، هەیا نها ژی ئالیێ سکالاکەر کو نوینەرێ پارێزگارێ دهۆکێیە نەهاتیە گوتنێن خۆ ل دادگەهێ بدەت”.
ڕۆژا ١٦ێ ڤێ مەهێ مامۆستا بەدەل بەرواری ژ ئالیێ هێزێن ئەولەهیێ یێن دهۆکێ ڤە ب تۆهمەتا ڕێکخستن و پشکداریکرن د خۆنیشاندانێ دا د مالا وی دا هاتە دەستەسەرکرن و پشتی چەند ڕۆژان بڕیارا ئازادکرنا ب کەفالەت بۆ دەرچوو، لێ بەریا ئازادکرنێ و لسەر تۆهمەتەکا دی دووبارە بڕیارا ڕاگرتنێ بۆ هاتەدان.
