ئالوزیێن پشتی كوشتنا وه‌لاتیێ پیست ره‌ش جورج فلوید، ل سه‌ر ده‌ستێ پولیسه‌كێ پیست سپی، به‌رده‌وامی به‌رفره‌هی هه‌یه، ئه‌ڤروكه د روی ب رویبونه‌كا خونیشانده‌ر و پولیسان دا كه‌سه‌ك ب ده‌ستێن پولیسان هاته كوشتن و سێ یێن دیژی برینداربون.
ب ئه‌گه‌ری َخونیشاندانان به‌رپرسێن ئه‌مریكا قه‌ده‌غه‌یا هاتن و چونێ ل چه‌ند ویلایه‌تێن وه‌ك ئه‌تللانتا و لوس ئه‌نجلوس و فیلادیلفیا و ناشفیل راگه‌هاند، لێ خه‌لكی نه‌رازیێ وی وه‌لاتی پابه‌ندی قه‌ده‌غه‌یا هاتن و چونێ نابن ل سه‌ر جاده‌یان د به‌رده‌وامن ژ ده‌ربرینا نه‌رازیبونێ.
د ڤان دوو روژێن بوریدا ده‌ستهه‌لاتا ئه‌مریكا دوو هزار پینج سه‌د پولیسێن سه‌ربازی ل ده‌ڤه‌رێن جودا جودا به‌لاڤ كرینه، لێ هه‌ر نه‌شیایه ئالوزیان ب راوستینن.
