ئەڤرۆ لسەر جاددەیا سەرەکی یا د ناڤبەرا بەدریک – ئەلقۆش بوویەرەک ھاتن و چوونێ روودا و د ئەنجام دا کەسەکێ جانێ خۆ ژدەستدا و دوازدە کەسێن دی ژی برینداربوونە.
ئازاد تاھا پەیڤدارێ ھاتن و چوونا دھۆکێ ڕاگەھاند، ئەڤرۆ ل دەمژمێر ۹ێ سپێدێ بوویەرەک ھاتن و چوونێ د ناڤبەرا بەدریک و ناحیا ئەلقۆش روودایە و ب وێ سەدەمێ کەسەکێ جانێ خۆ ژدەستدایە و دوازدەیێن دی ژی برینداربوونە.
ئەو یەک ژی دایە خۆیاکرن، کو بوویەر ژ جورێ لێکدان د ناڤبەرا دوو ترۆمبێلان ژ جورێن پیکاپ باڕھەلگر و ھۆندایەکێ دا روودایە.
بوویەرێن هاتن و چوونێ ب یەکەم سەدەما جان ژ دەستدانێ د هەرێما کوردستانێ دا دهێتە دانان و لگۆری ئامارێن هاتن و چوونا هەرێمێ، د سالا ٢٠١٩ێ دا ٤ هزار و ٤٧٩ بوویەرێن هاتن و چوونێ ل هەرێمێ ڕوودانە، ب وێ سەدەمێ ژی ٥٧٥ کەسان ژیانا خۆ ژ دەستدانە.
