تەڤا جاڤدێر و لێکولەر و سیاسەد مەدارێن جیهانێ پشتراستکرنا وێ چەندێ دایە کو قوناغا کۆرۆنایێ؛ دێ گوهرینێن هەری بەر چاڤ ب سەر تەڤا جیهانێ دا ئینیت ژ هەمی ریەکی ڤە،
هەرێما کوردستانێ ژی بەریا دەربەیێ گرانێ کۆرۆنایێ بەردەوام د لەیزینا گوهرینێ دابۆ،
دەنگێ نە رازی ل سەر حکومرانیا هەرێمێ روژ ب روژێ ڤەدژەنی جریسکێن ڤەژاندنا وێ د ناڤا کوچ و تەلارێن دەستهەلاتێ دا د برقین،
لێ کەسێن گامۆختە و دێوێن گۆرنیزی و دەم ب سەر چوی هیڤیێن رونی و گەش بونێ دانە سەرانێن حکومرانیێ رادەستی پەیامێن دەنگێ نە رازی نەبن پشت گۆ بێخن بلا د ئەزمانێ خوە دا لال ب بن،
سەرانێن کادینکری و عیر هەڤیر کری ژی ل گوری هەمان مێشك و رێیا بەرژەوەندخازێن گامۆختە و گۆرنیزی رێیا خوە بەردەوام دکر؛ کو دەمەکی دا بریار و دیتن و دیربینا وان یا بو روژێیە،
ئەڤرو دەربازبیت سبە روژەك دی و چەسپاندنا سزا و خاپاندنەك دی ل سەر هەولاتی٫ نها ئەو چەندە ل هەرێمێ راست و بەر جاڤە سەرانێن کادین گرتی و گامۆختە و گۆرنیزیا هێزا ئوکۆنومی ،
سەربازی،ئەمنی، دەستیدایە، لێ ژ بیرکریە کو چەند د چیت ب ڤێ زێهنیەت و دەمارگێری و بەربەستان دەنگێ نەرازی خورتردبیت، کۆرۆنا و دەنگێ نەرازی دێ ب هەڤرا دیوارێن کونگرێتی پەلخینن کوجۆ تەلارێن سیناریۆ خازێن کۆرۆنایێ پەلخینن؛
ئێدی دەم نە دەما پنی کرنێیە نە دەمێ دروارا یە نە دەمێ گرتنا دەرزایە، دەم دەمێ دەست دانا سەر برینایە، ب ڤی ئاوایێ رێڤەبرنێ ئەڤرو بیت یان سبە کۆرۆنا و دەنگێ نە رازی ،
نە برا گەورەی نە ئەندازیارێ ئاڤەدانکرنێ نە فەرماندێ دوژمن شکێن نە مامێ بجیك نە دژەتیرورێ نە مەرقەدێ مام ناس دکەن،پەیاما دەنگێ نە رازی خویایە، ئازادی،نان،
کەرامەت، گەر نە سەرێن تەڤا گامۆختە و گۆرنیزی و سەر کادینا دێ د سەڤی و سەلکاندا دناڤا هزێلێن گەلدا هێنە هەلسەنگاندن.
چیا بێلیزانی – دهوك
