سەرۆکێ فراکسیۆنا نەوەى نوێ راگەهاند، ” راگەهاندنا کەرەنتین و قەدەغەیا هاتن و چوونێ ژ ئالیێ دەستهەلاتێ ڤە بتنێ ژ ترسا خونیشاندانا وەلاتیان بوویە کو ل دوو روژێن دەربازبووى نەوەى نوێ راگەهاندی”.
کازم فارۆق سەرۆکێ فراکسیۆنا نەوەى نوێ ل پەرلەمانێ کوردستانێ دازانین، “ئەز وەکی نوژدارەک و ئەندامێ لیژنەیا ساخلەمیا پەرلەمانى، من گومان هەیە ژ وان داتایێن حکومەت رادگەهینیت”.
دیار ژى کر، “نها ل پتریا ولاتێن پێشکەفتی وەکی ئەوروپا و کوریا و یابان و چینێ، کەرەنتین و قەدەغەیا هاتن و چوونێ هاتیە لادان، هندەک ژى بۆ نمونە وەکی ولاتێ سوێد هەر ل دەستپێکا قەدەغەیا هاتن و چوونێ نەهاتە راگەهاندن، ژبەر کو ژ ئالیێ زانستی ڤە دەرکەفتیە کو کەرەنتین بتنێ پیچەک بەلاڤبوونا ڤایرۆسی گیرۆ دکەت، واتە بتنێ وەکی پەنج یان نەهێلانا ئێشانا دەمکی یە و چارەسەریا بنبرکرنا ڤایرۆسی ناکەت ئەگەر هەبیت”.
د داویا نڤیسینا خۆ دا نڤیسیە ژی، ” پێدڤیە دەستهەلات ژیارا رۆژانەیا خەلکی بهێتە دابین بکەت، باوەریێ درۆست بکەت و پێنگاڤێن زانستى یێن کریاری بهاڤێژیت، نەک درەوان بکەت و خەلکی بترسینین و چ هزرەکێ د ژیارا وەلاتی و فەرمانبەران دا نەکەت”.
رۆژا ٣٠ گۆلانا ٢٠٢٠ێ شاسوار عەبدولواحید سەرۆکێ ڤەلڤینا نەوەى نوێ راگەهاند، حەفتیا داهاتی دێ خونیشان دانان کەین و شەڤا دەربازبووى وەزارەتا ناڤخۆیا هەرێمێ قەدەغەیا هاتن و چوونا ترۆمبێل و پیادە هەیا ٦ێ ڤێ مەهێ راگەهاند.
