وەزیرێ کارەبا یا ھەرێمێ ڕاگەھاند، بۆ بەرھەمئینانا ھزار و ٥٤۰ مێگاواتێن کارەبێ گرێبەستا ھاتیە کرن، لێ ژبەر بەرلاڤبوونا کۆرۆنایێ دەست ب کاری نەھاتیە کرن.
کەمال محەمەد سالح وەزیرێ کارەبا ھەرێمێ ڕاگەھاند، ھەرێما کوردستانێ پێدڤی ب شەش ھزار و ۷۰۰ مێگاواتێن کارەبێ ھەیە، ئەگەر سوتەمەنی یان پارەیێ پێدڤی بۆ کرینا سوتەمەنیێ بەردەست بیت، لێ د نھا دا تنێ سێ ھزارو ۲۰۰ مێگاواتێن کارەبا دھێتە بەرھەمئینان، کو دبیتە نیڤیا ڕێژەیا کارەبا پێدڤی بۆ ھەرێمێ.
ئاماژە کریە ژی، د ڤێ کابینا حکومەتێ دا ھزار و ٥٤۰ مێگاواتێن دی ھاتنە گرێبەست کرن ، کو بڕیتیە ژ ٥۰۰ خورمال ، ٥۰۰ مێگاوات ل بازیان ، ۱٦٥ مێگاوات گەرمیان ، ھەروەسا ۳۰۰ مێگاوات کارەبا ب رێیا ئاڤێ دگەل کۆمپانیەکا ئۆسترالی و ۷٥ مێگاوات کارەبا یا ھێزا ھەتاڤێ.
بەحسکریە ژی، ب ڤێ یەکێ کارەبا ھاتیە بەرھەمئینان ل ھەرێما کوردستانێ ، دگەھیتە سەر ھەشت ھزار مێگاواتان دا، ئەڤە دەمەکێ دایە خۆاستا ھەرێمێ د ڤی وەرزی دا چار ھزار و ۲۰۰ مێگاواتن و ل زستانێ دا دگەھیتە شەش ھزار و ٥۰۰ مێگاواتان.
