بڕیارە ئەڤرۆ ڕۆژا چوارشەمبی لیژنا بلندا بەرهنگاربوونا ڤایرۆسێ كۆرۆنا ل هەرێما كوردستانێ كۆمبوونەكێ ل هەولێر سازبكەت.
ل گورەی زانیاریێن گەهشتینە بادینان میدیا، لیژنا بلندا بەرهنگاربوونا كۆرۆنا كو ژ وەزیرێن ناڤخۆ و ساخلەمیێ و پارێزگارێن هەرێمێ پێك دهێت و قوباد تالەبانی جێگرێ سەرۆكێ حكومەتا هەرێما كوردستانێ سەرپەرشتییا وێ دكەت، دێ دكۆمبوونا ئەڤرۆدا ڕەوشا هەرێما كوردستانێ گەنگەشە كەت، و بڕیارێن پێدڤی و گونجای دگەل ڤێ قۆناغێ دەرێخیت.
ل گورەی دووماهی ئامارێن وەزارەتا ساخلەمییا هەرێما كوردستانێ، هژمارا تووشبوویێن ڤایرۆسێ كۆرۆنا ل هەرێمێ گەهشتییە 745 كەسا، و هەر ژ دەستپێكا بەڵاڤبوونا وی ڤایرۆسی ل هەرێمێ و هەتا نوكە 8 كەسا گیانێ خۆ ژدەستدایە، و 420 تووشبوویی بتمامی چارەسەر بووینە.
