نڤیسینگەها داخوازكارێ گشتی ل باژێرێ ئیستەنبۆلێ ڕاگەهاند: ب توهمەتا پەیوەندییا وان ب تەڤگەرا فەتحولڵا گویلەن ، حكومەتا توركیا فەرمانا گرتنێ بۆ 118 كەسان دەركریە ، كو پڕانیا وان ئەندامێن ئارتێشێ و هێزێن ئیمناهیێ نـە .
ئەو یەك ژی زەلال كر: لسەر بنەمایێ دانپێدانا كەسێن دن كو بەری نها هاتینە دەستەسەركرن ، شرۆڤەكرن بۆ پەیوەنددیێن تێلەفونی یێن وان كەسان هاتیە كرن و فەرمانا گرتنێ بۆ دەرچوویە ، ئاماژە ب وێ یەكێ ژی كریە: كو د ناڤا وان كەسێن فەرمانا گرتنێ بۆ دەرچووی ، 42 كەس ژ ئەندامێن ئارتێشێ و هێزێن درك دەستەسەركرینە ، كو 24 كەس ژ وان ئەفسەرن و دنهادا دناڤ رێزێن ئارتێشێ دا كار دكەن .
ئاماژە ب وێ یەكێ ژی كریە: كو د ئوپەراسیونەكا دن یا هێزێن ئێمناهیێ دا 76 كەسێن دن یێن سەربازی و مەدەنی دەستەسەر كرینە ، كو ب رێـیا تێلەفونێ پەیوەندییان وان ب تەڤگەرا گویلەن هەبوویە ، هەڤدەم فەرمانا دەستەسەركرنێ بۆ هەژمارەكا ئەندامێن دن یێن هێزێن ئەسمانی و هشكایی و دەریایی دەركریە.
