كوردستانینووچه‌

ساڵح موسلم: ئاڤاكرنا لێڤەگەرەكێ ل رۆژئاڤا دێ بۆ هەموو كوردستانێ بیتە نمونەیەك

سالح موسلم گۆت: پێنگاڤا ئێكێ یا دیالۆگا كورد-كورد ئەرێنی بوو و د دەمەكێ نێزیك دا دێ پێنگاڤا دووەم دەستپێ كەت . دێ پێكهاتنا ئێكەتیا كورد كاریگەریێ ل رەوشا سووریێ , كوردستانێ و رۆژهلاتا ناڤین ب گشتی كەتن .
فەرمانداریا گشتی یا هێزێن سووریا دیمۆكرات ڕاگەهاند: كو پێنگاڤا ئێكێ یا دیالۆگا كورد-كورد ب سەركەفتی دەرباس بوویە و دەرباسی پێنگاڤا دوویەم بوو .
دوی بیاڤیدا سالح موسلم ، ئەندامێ دەستەیا هەڤسەرۆكاتیا پارتیا ئێكەتیا دەمۆكرات (پەیەدە) ڕاگەهاند: مژارێن گۆتۆبێژێن پێڤاژۆیا ئێكێ گرێدایی مژارێن سیاسی یێن هەڤبەش بوون , ئەو گرنگە و لهەڤ گوهەرتنا نێڕینان ژی ئەرێنی بوون . دێ هێز و پارتیێن نوو تەڤلی پێنگاڤا دوویەم یا دیالۆگێ‌ بن . هەر رێككەفتنەك ئان ژی ئاڤاكرنا لێڤەگەرەكێ ل رۆژئاڤایێ كوردستانێ‌ دێ بۆ پارچەیێن دن یێن كوردستانێ ژی بیتە نمونەیەك .
دەربارێ‌ گرنگییا وان گۆتۆبێژان و چارەسەریا پرسا كورد ل رۆژئاڤا ساڵح موسلم گووت: د نهادا ڕەوشا رۆژئاڤایێ كوردستانێ‌ گەلەك هەستیارە ، لەورا ئاڤاكرنا ئێكەتیا كورد پێدڤییەكا گەلەك بـلـەزە ، نها ئەم هەول ددەین د ڤی واری دا ل رۆژئاڤا پێنگاڤێن باش پاڤێژین . رێككەفتنا د ناڤبەرا پارتیێن سیاسی دا تێرا وێ‌ یەكێ‌ ناكەت . لێ دیسا ژی پێنگاڤەكا باشە . د پاشەرۆژێ دا ، دبـیت كو كۆنگرەیەك یان ژی كۆنفرانسەك ب تەڤلبوونا تەڤاهیا چینێن جڤاكێ بهێتە ساز كرن . ژ بەر كو پارتیێن سیاسی بەشەكـن ژ جڤاكێ .
ساڵح موسلم گووت ژی: پێنگاڤا ئێكێ پێكهاتن و رێككەفتنا د ناڤبەرا پارتیێن سیاسی دایە . پێنگاڤا دوویەم ژی ئاڤاكرنا لێڤەگەرەك نشتیمانی ب تەڤلبوونا تەڤاهیا چینێن جڤاكێ یە . ئەگەر ئەڤـ لێڤەگەرە ئاڤا بوو , دێ ل تەڤاهیا كوردستانێ بەرفرەهـ بـیت .
موسلم تەكەز كر: كو هەر رێككەفتنەك ، یان ژی ئاڤاكرنا لێڤەگەرەكێ ل رۆژئاڤایێ كوردستانێ‌ ، دێ بۆ تەڤاهیا كوردستانێ بیتە نمونە .

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close