ژێدەرەکێ ئاگەھدار ل سەرۆکاتیا یەکێتی ڕاگەھاند، پێدڤیە پێداچوون د بڕیارا قەدەغەیا ھاتن و چوونێ دا بھێتە کرن و ب یەک پاکێج کەرامەت و ژیار و ساخلەمیا خەلکی بھێتە پاراستن”.
ژێدەرەکێ ئاگەھدار ل سەرۆکاتیا یەکێتی نیشتیمانی کوردستان ڕاگەھاند، ھەرێما کوردستانێ د ناڤ دوو کریزێن ئابوری و ساخلەمی یێن دژوار دایە و ھەر چارەسەرەک یا پێشنیارەک ژ ئالیێێ حکومەتێ دھێتە دەرکرن ، پێدڤیە ھەردوو کریزان بەرچاڤ وەرگریت ھەیاکو کەرامەت و ساخلەمی و ژیارا خەلکی یا پاراستی بیت و چ نەبیت قوربانی بو یا دی”.
د ئاستا سەری یا یەکێتی دا داخواز ژ ھێزێن ئەولەھیێ ھاتیە کرن ب چ ئاوایەکێ ھێز و توندۆتیژیێ بکار نەئینن ھەمبەر خەلکی کو بۆ داخۆازا پێداچوونێ ب رێکارێن ڕاگەھاندنا وەزارەتا نافخۆ یا ھەرێمێ خرڤەبوون و نەرازیبوون دەستپێکرنە”.
ئەگەر ب ھۆشیاری رەفتار دگەل ڕەوشێ نەھێتە کرن ، دێ ڤالاھی د ناڤبەرا دەستھەلات و وەلاتیان دا زێدەتر بیت و زەرەر ب کەرامەتا وەلتیان یان دەستھەلاتێ کەڤیت کو چ ژ وان د بەرژەوەندیا رەوشا ھەرێمێ دا نین.
سەرۆکاتیا یەکێتتی پەیوەندی دگەل ئالیێن ناڤا حکومەتا ھەرێمێ کریە و ب رەسمی داخۆاز لێکریە پێداچوونێ ب بڕیاڕا قەدەغەیا ھاتن و چوون بکەن کو بوویە سەدەم بۆ نەرازیبوونا خەلکی”.
دبێژیت ژی،” د دەمەکێ دا حکومەت نەکاریت ب کێمی ژیارا خۆیشک و برایێن مە دابین بکەت ، و نابیت رێ ژ کار و کەسابەت وو رزقێ وان بھێتە گرتن”.
بۆ ڕێگرتن ژ تەقینا رەوشێ و رێگرتن ژ ڤایرۆسێ کورونایێ ژی ، پێدڤیە وەزارەتا نافخۆ و یا ساخلەمیێ ب ھاریکاریا ئالیێن پەیوەندیدار ڕێکارێن نوو بگرنەبەر ، ل شوونا قەدەغەیا ھاتن و چوونا چر پەیرەو بکەن ، پێدڤیە رێنمایێن دژوار یێن ساخلەمیێو خۆپاراستنێ د ناڤا بازار و جھێن گشتی دا بچەسپینن، تنێ ئەڤ ڕێ دکارە بەرسڤا داخۆازیێن کاسبکاران و ژیارا خەلکێ کوردستانێ بدەت و د ھەمان دەم دا ساخلەمیا گشتی بھێتە پاراستن”.
د بێژیت ژی، ئالیێن پەیوەندیدار یێن حکومەتێ ب زووترین دەم پێداچوونێ د بریارێن وەزارەتا نافخۆ دا بکەن ، کو بێ گۆھدانا داخوازی و خواستێن زوربەیا ئاکنجیێن باژار و ئیدارێن خۆجھی ، ب مەرکەزی بریار خستنە بیاڤێ جیبجیکرنێ دا ئەڤە ژی بوویە سەدەما نەرازیتیا گشتی”.
ھەڤدەم ، میران محەمەد ئەندامێ مەکتەبا سیاسی یا یەکێتی ڕاگەھاندیە، ” ھەڤسەرۆکێن یەکێتی داخواز ژ نوونەرێن یەکێتی د حکومەتێ و پارێزگەھا سلێمانیێ دا کرنە کو میکانیزمەکێ ببینن ژ بۆ کو ژیان و ساخلەمیا وەلاتیان یا پاراستی بیت ، ژبەر کو نابیت وەلاتی بێکار و برسیبن”.
