حكومەتا ئیتالیا ڕاگەهاند، دێ سنورێن وەڵاتی لهەمبەر گەشتیاران ڤەكەت و ئاسانكاریان ژی بۆ وەڵاتیێن خۆ كەتن كو ڤەگەرنە سەر ژیانا خۆ یا ئاساسس.
ئەڤرۆ ڕۆژا چوارشەمبی ڕێكەفتی 3 خزیرانێ حكومەتا ڕۆما بڕیاردا سنورێن ئیتالیا بۆ گەشتیاران بهێنە ڤەكرن، و ژیانا وەڵاتییان بهێتە ئاساییكرن.
سەرۆك وەزیرێ ئیتالیا جوزێبی كونتێ ڕاگەهاند، حكومەتا ئیتالیا مەترسییا ڤایرۆسێ كۆرۆنا دزانیت، بەلێ دێ هەوڵ دەت خۆ دگەل ڤێ ڕەوشێ بگونجینیت و جارەكادی ژیان ل وەڵاتی ئاسایی ببیت.
ل گورەی زانیاریێن وەزارەت و دەزگەهێن ساخلەمیا ئیتالیا ئاشكرا كرین، هەتا سپێدەهیا ئەڤرۆ ڕۆژا چوارشەمبی، هژمارا سەرجەمێ تووشبوویێن ڤایرۆسێ كۆرۆنا ل وی وەڵاتی گەهشتییە 230 هزار كەسا، و بكێماتی 33 هزار و 500 تووشبوویێن ڤایرۆسێ كۆرۆنا ل ئیتالیا گیانێ خۆ ژدەستدایە.
