ئابوری

هەرێما.. كوردستانێ‌ لبەرە غازا سرۆشتی ژ ئیرانێ‌ بكریت

ئاژانسا (ئیلنا) یا ئیرانی ئاشكرا كر، بۆ پڕكرنا پێدڤیێن خۆ یێن ناڤخۆیی، حكومەتا هەرێما كوردستانێ‌ بڕیار دایە غازا سرۆشتی ژ ئیرانێ‌ هاوردە بكەت.
ئاژانسا (ئیلنا) ژ زارێ‌ حەسەن مونزر توربەتی ڕێڤەبەرێ‌ كۆمپانیا نیشتیمانیا غازا سرۆشتییا ئیرانێ‌ ڤەگوهاستیە، كو حكومەتا هەرێما كوردستانێ‌ لبەرە قۆناغ ب قۆناغ غازا سرۆشتی ژ ئیرانێ‌ هاوردە بكەت، و پێدڤیێن خۆ یێن ناڤخۆیی پێ‌ دابین بكەت.
حەسەن توربەتی ئاشكرا كر، هەتا نوكە ئیران ب رێیا هەردوو دەروازێن نەفت شەهر و شەلامچە غازا سرۆشتی ڕەوانەی عیراقێ‌ دكەت، بەلێ‌ بو توندكرنا سزایێن خۆ لسەر تەهران، ئەمریكا دخوازیت بەدیلەكی بۆ غازا ئیرانێ‌ ببینیت و ئێدی حكومەتا عیراقێ‌ ژی دەست ژ هاوردەكرنا غازا سرۆشتییا ئیرانێ‌ بەردەت.
هاوردەكرنا غازا سرۆشتییا ئیرانێ‌ ژلایێ‌ حكومەتا هەرێما كوردستانێ‌ ڤە د دەمەكیدایە، كو چەندین جارا بەرپرسێن هەرێمێ‌ ڕاگەهاندییە، هەرێم خودانا 5 ترلیون و 700 ملیار مەترێن سێجایێن غازا سرۆشتییە، كو دبیتە 3% ژ یەدەكێ‌ غازا سرۆشتییا جیهانێ‌، و چەندین جارا بەرپرسێن هەرێمێ‌ ڕاگەهاندییە كو هەرێم كەتییە دنەخشێ‌ جیهانیێ‌ غازا سرۆشتی دا، و حكومەتا هەرێمێ‌ دشێت غازێ‌ بۆ توركیا و بەشەكێ‌ وەڵاتێن ئەۆروپا دابین بكەت.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close