پارێزگارێ دھۆکێ راگەھاند، بڕیار ھاتیە دان کو قەدەغەیا ھاتن و چوونێ دێ ھەیا ۲٤ دەمژمێرێن دی بەردەوام بیت.
فەرھاد ئەمین ئەترۆشی پارێزگارێ دھۆکێ د کۆنفرانسەکێ ڕۆژنامەڤانیێ دا ڕاگەھاند، وان ب نرخاندنا ڕەوشێ و دگەل ژوورا ئۆپەراسیۆنان یا بەرهەنگاربوونا کۆرۆنایێ بریاردایە کو ھەیا ۲٤ دەمژمێرێن دی قەدەغەیا ھاتن و چوونا تەمامی بەردەوام بیت.
ئەو یەک ژی دایە دیارکرن، د نها دا مەترسیا زێدەبوونا حالەتێن توشبوون ب ڤایرۆسێ کۆرۆنایێ هەیە.
دەربارەی رێنمایێن قەدەغەیا هاتن و چوونێ پارێزگارێ دهۆکێ گۆت، ” ڕێنمایێن قەدەغەیا هاتن و چوونێ دێ لگۆر ڕێنمایێن بەریا نھا بەردەوام بن”.
ئەڤە د دەمەکێ دایە، کو هەردوو پارێزگەهێن هەولێر و سلێمانی بڕیاردانە قەدەغەیا هاتن و چوونێ بهێتە هەلگرتن و پڕانیا بازار و جهێن گشتی ب ڕێنمایێن ساخلەمیێ بهێنە ڤەکرن.
