نێرینگەها سوری بۆ مافی مرۆڤ ڕاگەهاند، گروپێن چەكدارێن سەر ب سوپایێ توركیاڤە، و بتایبەتی چەكدارێن (سوپایێ نیشتیمانی) ئاگر بەردا دەخلودانێ جوتیارێن گوندێن عەنیق هەوا و قاسمیێ و رەیحانیێ كو دكەڤنە باكوورێ تەل تەمر دسنورێ پارێزگەها حەسەكێدا.
نێرینگەها مافی مرۆڤ ئاشكرا كر، زێدەباری سوتنا دەخلودانێ جوتیاران، چەكدارێن تەندرەوێن سەر ب توركیاڤە، خانی و مالێن خەلكێ وێ دەڤەرێ تالان دكەن و دسوژن، و تەقێ ل وان تیمێن ئاگرڤەمراندنێ دكەن یێن هەوڵا ڤەمراندنا ئاگری ددەن.
