سەروك وەزیرێن عیراقێ فەرماندا لیژنەیەك بۆ دویڤچوونا كارێ پارێزگاران و لێپرسینا گەندەلكاران و هەلسەنگاندنا ئاستێ پێشكەشكرنا خزمەتگوزاریان ل باژێران بهێتە پێك ئینان.
ئەڤرو شەمبی،نڤیسینگەها مستەفا كازمی،سەروك وەزیرێن عیراقێ د بەیاننامەكێدا راگەهاندیە:ب فەرمانا سەروك وەزیران لێژنەك پێكئینایە بۆ دیڤچوونا ئاستێ پێشكەشكرنا خزمەتگوزاریان ل باژێر و باژێرۆكان و لیژنەیەك بۆ دویڤچوونا كارێ پارێزگاران بهێتە پێك ئینان ،دەسەلاتژی دانە لێژنێ لیپرسێ ل بەرپرسێن گەندەلكار و كەسێن كێم خەم بكەن.
ئاماژە ب وێژی كریە كو لێژنە ب سەروكایەتیا عوسمان غانمی ،وەزیرێ نافخۆ و چەند وەزیرەك و كەسێن پسپۆر و شارەزا ژ ئەڤرو دێ دەستبكار بن.
تەئكید كریەژی كو لێژنە دێ ب هویری ئەگەرێن خەمساری و كێم وكاسیێن پێشكەشكرنا خزمەتگوزاریان ب هاریكاریا لێژنێن جڤاتا نوینەران و فەرمانگەهان خزمەتگوزاریا و وەلاتیان دیار دكەت و ب ئاوایێ راپورت ئاراستەی سەروك وەزیرێن عیراقی َدكەن بۆ بریاردانێ.
