گروپێ بانكا نێڤدەولەتی بۆ ڕۆژهەلاتا ناڤەڕاست و باكورێ ئەفریقیا پێشبیی كر، ژئەگەرێ بەڵاڤبوونا ڤایرۆسێ كۆرۆنا ئابوورێ وەڵاتێن ڤان هەردوو دەڤەران داكەڤیت، و هەر ئێ ژ عیراق و لوبنان لسەرێ لیستا وان وەڵاتان دهێن كو ڕێژەیا هەژاریێ دناڤدا بلند ببیت.
ل گورەی نووترین ڕاپۆرتا بانكا نێڤدەولەتی، دهێتە پێشبینی كرن، بەرهەمێ ناڤخۆیێ وەڵاتێن پشت بەستیێ ب نەفتێ دكەن، ب ڕێژەیا 6% داكەڤیت، و ل گورەی ڕاپۆرتا وی گروپی، ئاستێ هەژاریێ ل هەشت وەڵاتێن ڕۆژهەلاتا ناڤەڕاست دێ بلند بیت، و هەر ئێك ژ عیراق و لوبنان ل سەرێ لیستا وان وەڵاتان دهێن، و گروپێ بانكا نێڤدەولەتی خۆیاكرییە كو ل عیراقێ ئاستێ هەژاریێ ژئەگەرێ بەڵاڤبوونا ڤایرۆسێ كۆرۆنا دێ ب ڕێژەیا 8% زێدەبیت.
