وه‌زاره‌تا ڤه‌گوهاستنا عیراقێ راگه‌هاندنه‌ك به‌ڵاڤكر و تێدا راگه‌هاند: شه‌ڤا بووری پاپۆره‌كا بازرگانیا ئیرانێ ب ناڤێ به‌هبه‌هان ل نێزیكی به‌نده‌رێ رۆژ عه‌بدوڵا ل سنورێن ئاڤیێن عیراقێ بن ئاڤ كه‌فت، د هه‌مان ده‌م دا تیمێن هه‌وار هاتنێ به‌ره‌ڤ جهێ روویدانێ چووینه بۆ رزگاركرنا وێ تیما ده‌ریاڤانیا پاپورا ئیرانی.
وه‌زاره‌تا ڤه‌گوهاستنا عیراقێ گوت ژی ،” هه‌تا نها چوار ئه‌ندامێن تیما ده‌ریا ڤانیا وێ پاپورێ هاتینه رزگاركرن و جه‌نازه‌یه‌ك ژی ژ ئاڤێ ئینایه ده‌ژده‌رڤه و لێگه‌ریان ل دویڤ كه‌سێن مایی یا به‌رده‌وامه”.
هه‌روه‌سا دا دیاركرن ” هه‌تا نوكه ئه‌گه‌رێ بن ئاڤبوونا وێ پاپورێ نه‌هاتیه زانین و ئه‌و پاپوره ب رێڤه‌بوویه بۆ به‌نده‌رێ ئوم قه‌سر و كه‌ل و په‌لێن بیناسیێ تێدا بووینه”.
