ئێمناهيا هەی ئەفە ئەو دستەواژەيه يا دنوكەدا ئافرەتەكێ زاروەكه پەیداببيت بەلێ پارێ قوديكەكا شيری نەبيت دبێژيت ئێمناهيا هەی سوپاس كو هاته دونيايێ!
ئێمناهيامه يا بێ ئازاديه يابێ نانه يابێ ژيانه، كەواته پێتفيه ل شينا فێ ئاخفتنێ، بێژین بەلێ بو گوهرينا فی سيستەمێ شكەستی يێ كو 29ساله بەردەوامه، دەسهەلاتا دكتاتور بفێ رێكێ ژيێ حكومێ خو درێش دكەت، ئێمناهی ياھەی دفێت پێ نەهێینه خاپاندن پێتفيه ب شێوەيەكێ رژد و بلەز كار بكەين ژبو هندێ تێگەهشتنەكا باشتر بێخينه بەردەستێ جفاكی كوردی و بزانيت كەنگی دێ بێژيت ئێمناهيا هەی،
نێزيك دبين كو بيته30سالێن حكومرانيا كوردی لێ بێ هيچ دەسكەفتەك گشتی بو هەمی مللەتی بتنێ چەند كەسەك و بەرپرسەك و چەند لايەنەك مفاداربون خەلكێ كوردستانێ هزارەهان قوربانی دان دا كو ب شێوەيەكێ ئازاد بژين و بگەهنه (دەولەت)بونێ كيانەكێ سەربەخو وەرگرن كو مەزنترين و بهاترين خەونا هەر تاكەكێ كورده پسيار ژ دانعەمرەكێ بكه بێژی تەدفێت ببیە خودان دەولەت ژ روندكێن زور ب ئازار دبێژيت بەلێ مه قوربانی دان داكو ئەفه بدەستمەفەبھێت
لێ زور سەيره پشتی بو رينا28سالێن حكومرانيا پارتی و ئێكەتی نەبتنێ نه بوينه دەولەت بەلكی سياسەتا وان يا شكەستی مانيه بێ نان و بێ گاز و بێ كارەب،
رێژەكا زور عەقلێ ژەنگی هەيه لفێره دبێژين،ئێمناهيا هەی نان نه گرنگه، لفێره نمونا وان دبێژن خوپيشاندان تێكدەريه و دێ خين هێته رشتن دێ شەر چێبن،ئێمناهيا مه نامينيت،
بوچی نابێژن خوپيشاندان مافەكی یاسایە لێ گەر هێزين ئێمناهیێ ب دروستی سەرەدەريێ دگەل رەوشێ بكەن هيچ تێكدانەك ناهێتەكرن ئەو دەسهەڵاتا ب گولەیێن كوردی خەلكی بكوژيت پێتفيه سەرهلدانەك بهێتەكرن لدژی وێ دەسهەلاتێ،
حزبێن دەسهەلاتادار رێژەكا زورا كوێلا بوخو دروستكرينه بەردەوام فێ هزرێ بەلاف دكەن مه ئێمناهيا هەی،،،! لێ ئەف كوێلايەتيه روژ بو روژێ دكێمبونێ دايه و خەلك ئێدی هشيار دبيت ژ سەرەدەريكرنا حكومەتێ بشێوەيەكێ زور كرێت و نەیاسای، ئەفێ چەندێ ژی وەل خەلكی كريه گرنترين تشت لدەف تاكێ كورد نان بیت. رێژەکا زورا داهاتی كەفيته ددەستێن بەرپرس و چەتەيێن دوهی لديف حەزاخو سەرەدەريێ دگەل دكەن،
پێتفيه بەرفره ه‍تر هزربكەين چجارا دەستان ژ مافێن خو بەرنەدەين ب پەيفا ئێمناهيێ نه هێینه خاپاندن، دا كو ئەو ياريا ب سامانێ گشتی بكەن،
باشترين بەلگه كو خوپيشاندان كارئەكتەرەكێ زور گرنكه دناف جفاكان دا رولێ خو هەيه د گوهرينا سيستەمێن فاشلێن حكومەتان،
نمونه جەزائير حكومەتا جزائير ب سەروكايتيا تەفليقە دناف گەندەليێ و دەستێن دەرەكیدا بەرزه دبو،
لێ گەلێ جەزائیرێ ب هوشياری سەرەدەريكر رژيانه سەر جادان و فشار دروستکرن هەمی بەرپرسێن حكومەتێ دەست ژكاركێشان و حكومەتەكا شەفاف هاته پێكئينان خوپيشاندان هێدی هێدی دوماهيك ب خرفەبونێن خو ئينان،
پێكفەكاركرنا گەڵان ژبلی سەركەفتنێ هيچ تێكدەريەك و ئاژاوەك ناهێته دروستكرن بەلكو بەروفاژی دێ زور ده ستكەفتێن مەزن هەبن بو وان مللەتان،
لەوما زور يا پێتفيه گەلێ كورد ئێك دەنگ بن بەرامبەر فێ زولما حكومەتاهەرێما كوردستانێ و ماف خارنا هەرتاكەكێ ئێدی لێ حەرام بكەين ژبن دەست و رێژما كولايەتیێ رزگاربين،
