ژ دەما كو توركیێ و گروپێن چەكدار دەستێ خوە دانینە سەر عەفرین و گوند و ناڤچەیێن وێ وتا نها بەشەك مەزن ژ بەرهەمێن چۆتكاران ژ ئالیێ چەكداران ڤە تێنە دزین و دەستەسەركرن و تو سوودێ ژێ نابینن وبەشێ مایی ژێ بوویە قوربانییا سەپاندنا باجان.
چۆتكارێن عەفرینێ دبێژن كو وان تو سوود ژ بەرهەمێن دەمسالا خوە نەدیتنە ژ بەر كو بەشێ هەرێ مەزن ژ ئالیێ چەكدار و عەرەبان ڤە تێ دزین ودەستەسەركرن.
نها ژی ل عەفرینێ دەمسالا بەرهەمێن فێكی و كەسكاتیێ یە لێ پرانییا چۆتكاران سوودێ ورناگرن.
ژێدەرێن خوەجهی ژ عەفرینێ دانه زانين كو چەكدارێن حمزات وعەربێن ل گوندێ برج عبدالۆ بەرهەمێن دەمسالا فێكی دچنن و ژ خوە رە دفروشن ودەما خوەدیێن زەڤییان دبنە رێگر چەكدارێن حمزات ب چەكان گەڤان ل وان ددن
