ل پارێزگه‌ها نه‌جه‌ف ده‌ست بسه‌ر هه‌ڵمه‌ته‌كێ بۆ گوهرینا به‌رپرسێن بلندێن وی باژێری هاتیه‌كرن و پارێزگارێ نه‌جه‌ف ژی رادگه‌هینیت، ره‌زامه‌ندیا كازمی بۆ گۆهرینا وان كه‌سان وه‌رگرتیه.
لوئه‌ی یاسر، پارێزگارێ نه‌جه‌ف راگه‌هاند: هنده‌ك ژ رێڤه‌به‌رێن فه‌رمانگه‌هێن حكومی دێ هێنه گوهرین، ب دیاركری ژی ئه‌و رێڤه‌به‌رێن كو ده‌مێ چوار ساڵان بسه‌ر وه‌رگرتنا پوستێن وان دا ده‌ربازبووین و گورانكاری دێ ژ پوستێ وان رێڤه‌به‌ران ژی گریتن یێن كو شێوازێ كاركرنا وان نه‌یێ باش بیتن و كاروبارێن خۆ ب دروستاهی بڕیڤه نه‌به‌ن”.
ناڤبری گوت ژی،” لسه‌ر سوز و ره‌زامه‌ندیا مسته‌فا كازمی، سه‌رۆك وه‌زیرێ عیراقێ ده‌ست ب گورانكاریا ژ پوستاندا هاتیه‌كرن و خواستا خۆنیشانده‌ران ب مسته‌فا كازمی هاتیه گه‌هاندن بۆ گوهرینا وان به‌رپرسان بوویه”
