
پارتا کارکەرێن کوردستانێ ڕاگەهاند، ژ ئەنجاما بۆمبەبارانا بالەفرێن شەڕیێن ئارتێشا تورکیا، ئەندامەکێ کومیتەیا ناڤەندیا وان شەهید بوو.
د ڕاگەهاندنەکێ دا پارتا کارکەرێن کوردستانێ (پەکەکێ) دیارکر، ڕۆژا ٢٧ێ گۆلانێ (٢٧ێ ٥ێ ٢٠٢٠ێ) ل دەڤەرا برادۆست یا باشورێ کوردستانێ قاسم ئەنگین ئەندامێ کۆمیتەیا ناڤەندیا پەکەکێ، د ئەنجاما بۆمبەبارانەکا بالەفرێن تورکیا دا شەهیدبوو.
قاسم ئەنگین بەریا ٣١ سالان و ل سالا ١٩٨٩ تەڤلی ڕێزێن پەکەکێ بوویە، دەمەکێ ل ئەوروپا کارێ گەنجان و کلتوری و دیبلۆماسی کریە و بۆ هەیامەکێ ژی ل لوبنانێ کار کریە.
ئەڤە ژی دەمەکێ دایە، ژبلی شەهیدبوونا ڤی فەرمانداری، تنێ د سێ سالێن دەربازبوویی دا هەر یەک ژ زەکی شنگالی، دیار غەریب، سینانێ سور، دەمهات عەگید، سەرحەد ڤارتۆ و چەندین سەرکردەیێن دی ب بۆمبەباران و هێرشێن ئارتێشا تورکیا شەهید بوونە.
