نێرین

فاشیزم ل ئەمریکا و تورکیا

دو نمونێن فاشیزمێ د ڤان چەند رۆژێن بوریدا ل وەلاتێن ئەمریکا و تورکیا ل پێش چاڤێن جیهانێ دانە ئەوژی کوشتنا هاولاتیەکێ رەش پێست (جورج فلوید) ژلایێ پولیسێن ئەمریکا کو ئەڤە نە ب تنێ کوشتنا کەسەکی بۆ بەلکو فاشیزما ژ رەنگەکی دژی رەنگەکێ دی.
یا دی ژی کوشتنا گەنجەکێ کوردێ ٢٠ سالی بناڤێ (باراش چاکان) ژلایێ سێ فاشستێن تورک ل باژێرێ ئەنقەرە پشتی باراش سترانەکا کوردی دبێژیت، ئەو سێ فاشست پێنچ کێرا ل دلێ وی ددەن و دکوژن، ئەڤە ژی فاشیزما زمانەکی ل سەر زمانەکێ دی.
هەڤبەشیەک دناڤبەرا مە کوردان و رەش پێستێن ئەمریکا دا هەیە، ئەوژی پن پێکرنا مافانە، ب درێژاهیا دیروکێ ئەمریکا ب سیستەمێ خوە یێ سەرمایەداری و عەلمانی ئەڤ مافێن رەش پێستان پن پێکرنە و هەتا نهاژی دەم بو دەمی دبنە قوربانی دەسهەلاتێن ئەمریکا ل سەردەمێ دەستهەلاتا ئوبامای دا چونکو ئوباما رەش پێست بو دەسهەلاتا پولیسی دڤیا ئوبامای شەرمزار بکەتن، چەند رەش پێستەک ژلایێ پولیسێن ڤی وەلاتی ڤە هاتنە تیرور کرن، نها ژی هەر هەمان شێوەیە، لێ د حەقیقەت دا فاشیزم هەیە بتنێ جارا جار هشیار دبیت و کارێ خو دکەت.
فاشیزم ل وەلاتێ تورکیا ژی ب درێژاهیا دیروکێ چ دەستهەلاتێن عەلمانی بن یان ژی هەتا نها یا ئەروغانی کو دەستهەلاتەک ئیسلامی یە ب هەمان شێواز بگرە د هندەک خالان دا خرابترە ژ دەسهەلاتێن عەلمانی، ژوانا ژی خرابکرنا شینوارێن کورد و کوشتنا ڤی گەنجی نمونەکا پنپێکرنا مافێ زمانیە و هەروەسا خرابکرنا گورستانان کو ئێکەم جارە د دیروکا تورکیا دا هوسا بێ رێزی ل هەمبەری گورستان و مریان دهێتە ئەنجام دا، بەریا نا تورکیا گورێن مریان ڤەدشارتن کو هەتا نها گورێ سەعید نورسی و کومکوژیا دێرسمێ و …. هتد، هەمی دیار نینە، لێ ئەو گورستانێن هەی بێ رێز نەدکرن.
لەوما فاشیزم ئێک روی هەیە چ کەسەک علمانی یان بێ دین بیت یان ژی دیندار بیتن

دلوڤان زێباری

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close