زارۆكێن وه‌ڵاتێ من
Warning: Attempt to read property "user_email" on bool in /customers/8/e/7/malame.info/httpd.www/wp-content/themes/jannah/framework/functions/post-functions.php on line 580 Warning: Attempt to read property "ID" on bool in /customers/8/e/7/malame.info/httpd.www/wp-content/themes/jannah/framework/functions/post-functions.php on line 593
سه‌ردار هێتوتى
زارۆك بڕبڕا پشتا هه‌ر جڤاكه‌كینه، ئه‌ون كو سوبه‌هیا جڤاكان ب هزرێن خۆ دادڕێژن و ب كه‌د و ماندیبوونا خۆ جڤاكان به‌ره‌ڤ ئاقارێن سه‌ركه‌فتنێ دبه‌ن و وان دئێخنه سه‌ر رێسنێ ژیانا سه‌رده‌مى.
ئه‌ڤ بابه‌ته د ده‌مه‌كى دا دهێته نڤیسین كو ئه‌ڤرۆ ڕۆژا جیهانى یا نه‌هێلانا كاركرنا زارۆكانه، د ڤێ ڕۆژێ دا و به‌رى 18 سالان بریار هات كو نابیت زارۆك كار بكه‌ن لێ ئه‌ڤرۆ ژى ده‌ما مرۆڤ ل سه‌ر جاده‌یێن باژێرێ من هاتن و چونێ دكه‌ت دبینیت كو زارۆكیێن كێم ژى ل ژێر ره‌حما گه‌رما هاڤینێ و د ناڤا جاده‌یه‌كا ڕه‌ش و قیركرى دا ل به‌ندا وێ چه‌ندێ نه كو شوفێره‌ك ده‌سته‌كێ كلینیسا یان ژى دوو به‌نیشتێن تركى ژێبكرن.
ئه‌ڤرۆ زارۆكێن وه‌ڵاتێ من بۆ پاریێ نانێ ڕۆژێ دژین، وان ئاگه‌هـ ژ سوبه‌هى نینه چونكى دزانن سوبه‌هى ژى هه‌ر هه‌مان پێناسا ئه‌ڤرۆیه و ئه‌و دترسن ژ سوبه ڕۆژا خۆ بفكرن.
ئه‌ڤرۆ زارۆكێن وه‌ڵاتێ من یێن ل به‌ندا دیتنا ڕۆژا گه‌شا خۆ كو بشێن وه‌ك هه‌مى زارۆیێن جیهانێ بله‌یزن و لیستكان بكه‌ن و خۆشیێ ب زارۆكبوونا خۆ ببه‌ن.
د ڤى وه‌ڵاتێ ب ناڤێ هه‌رێما كوردستانێ دا كو هژمارا ڕونشتڤانێن وێ گه‌له‌كا كێمه و عه‌رده‌كێ به‌رین و ده‌وله‌مه‌ند هه‌یه نابیت زارۆك د ڤێ ڕه‌وشێ دا بان دڤێت ئه‌ڤرۆ ئه‌و د ناڤا باشترین قوتابخانه‌یان دا هاتبانه په‌روه‌رده كرن، دڤێت ئه‌ڤرۆ وان ب شه‌ڤ مێهڤانداریا خۆ د ناڤا باشترین باغچێن یاریكرنێ دا بوراندبان و ده‌مێ دیترێ ڤالا وان د ناڤا باشترین ناڤه‌ندێن فێركاریێ دا بوراندبان و خۆ فێرى هونه‌رێ ژیانێ و موزیكێ و كارێن لگوره‌ى حه‌زا خۆ كربان، لێ مخابن ب ده‌هان به‌ره‌بابه زارۆكێن ڤى وه‌ڵاتى ژ مافێن خۆ بێ به‌هربوینه و دێ هه‌ر وه‌سا ژى كاروانێ وان د مه‌شا خۆ دا یێ به‌رده‌وام بیت.