نێرین

یان بومە ھەمیا یان ژبو کەسێ نە

پێلێن نەڕازیبونێن جڤاکێ ولاوازیا ستونێن بن ئاڤاھیێن دەستھەڵات داریێ لھەرێمێ :-

بێکەس بەرواری

ڕەوشا باشورێ کوردستانێ ودەستھەاڵات داریا ھەرێمێ ڕوژ بڕوژ یا بەرەڤ بێ سیستەمیەکا مەزنڤە دچیت و ھەڕڤینا ئێکجارەکی یا وی دیوارێ باوەریێ دناڤەبەرا پڕانیا جڤاکێ وکەمینەیا دەستھەڵاتداریا بڕیار بدەست وخۆسەپێن ئەوێن شیاین دڤان ٢٩ ساڵێن بوری دا ھەمی ئامیر وئامرازێن وەڵاتی مونۆپۆڵ بکەن وھەڤپاربکەن دناڤا ھێزێن دەستھەڵات داردا وبێدەنگکرنا ھەڤڕکا ودروستکرنا ھێزێن پشتەڤان وبێدەنگ بڕییا بکارێینانا سەروەت وسامان وژێدەرێن نیشتیمانی ودروستکرنا جڤاکەکا مشەخور و بێ بەرھەم ودامەزراندنا بسەدان ھزار کەسان لژێر ناڤ وپلەیێن جودا جودا بێی کو کارەک دیارکری یانژی خزمەتەکێ ژبو وەڵاتی بکەن بەلکۆ زێدەتر ژبو بھێزکرن وبەردەوامی دانا ڤی دەستھەڵاتێ بنەمالەی ومونوپوڵا پارتی وئێکەتیێ وبوینە بارگرانیەک لسەر ملێت جڤاکێ ، ئانکۆ لشوینا بسیستەمکرن وبنیشتیمانی کرنا دام ودەزگەھێن وەڵاتی ، ئەوان سیستەمێ بنەمالەیێ وسەروکایەتیا بەردەواما بنەمالان کرە پێوەرک ژبوو مافێ دەستھەڵات داریێ دناڤ پارتیێن خودا وھەروەسا دڕێڤەبەریا وەڵاتی دا .
لەوما بمخابنیڤە لگوڕ ڕەوشێ گەل و وەڵات بەرەف تونێلەکێ دچن کە دوماھیا وێ یا تاری ونە دیارە .

لەوما مە پێتڤی بسیستەمەکی ھەیە کە ھەمی کەس بشێن بەرژەوەندیێن خو دەستەبەربکەن وبپارێزن وبشێن بئازادی بژین ومافێ ھەڤوەڵاتی بونا وەک ھەڤ دەستەبەر ببیت .

ئەگەر نە ئەڤە پێکنەھێت ڤۆڵقانەک یھێز پڕێڤە یە وپێلێن وێ ڤوڵکان و شوڕەشێ ڕۆژ بۆ ڕۆژێ یھێزتر لێ دھێن وتیشکێن ھەلھاتنا وێ ڕۆژێ یێ پیچ پیچە ھەورا دڤەڕەڤینن وسیبەرا خو بسەرمەژیێ خەلکی دادایی یادھێتە ڤەڕەڤین بتیشک وپێلێن ڤێ ڤەژیانێ وچریسکێن ھێزا نەبەز یا گەلی ھەژار وماف خاری وستەم لێکری ژلایێ دەستھەڵاتێ خوماڵی و گڤاشتنێن دەستھەڵات داران لسەر پڕانیا چڤاکێ یێ دگەھشتینە ئاستێ بلندێ مەترسیدار وڤوڵکانەکا بەرەڤ پەقینێ پێھنگاڤ پێھنگاڤ بەرەڤ پێشڤە دچیت.

بێ گومان دھەمبەر ڤان گڤاشتنان دا و ژبوو پەیداکرنا ئامیر وھزر وھێزێن ڤێ شوڕەشێ گەلەک کار وھەوڵدان وتێکوشانەکا مەزن یا پڕێڤە وبەریکانێ دکەت لگەل وێ گڤاشتنێ ودڤێت ڕێکێ لێ بگریت و ڕوژ بو ڕوژێ ئەو بەریکان یا بھێز دکەڤیت وبەرەڤ قوناغێت گەھینێ ڤە دچیت .

لە وما نوکە ڕەوش یا دقوناغەک مەترسیداردا و یا بەرەف وێ چەندێ دچیت کە دڤێت یان ژیان ژبوو ھەمیان بیت یانژی دڤێت بو کەسێ نەبیت.
مخابن نوکە چارەسەری ھەمی یا دڤێ خاڵێ دا کومبویی .

ئەڤە بواتایێ وێ چەندێ دھێت کە حەزەکا مەزن یا پەیدا بووی ژبو بنیاتنانا ژیانەکا باشتر و واتادارتر کە ھەمی یانژی زورینەیا جڤاکێ بشێت بئازادی بژیت وبەڵانسەک و وەک ھەڤیەک ھەبیت دپارڤەکرنا ئەرک ومافان دا و ژێدەرێن نیشتیمانی وخێر وبێرێن وەڵاتی نەھێنە مەزاختن بو چەند بنەمالا وچەند سەدکەسێن دز وگەندەڵ وشوڕەش دزێن ستەمکار وبێ ویژدان وخوسەپێنێن بێ منەت .

دبەرێ دا ھێز وگرۆپێن سیاسی دشیان ئاراستەیێ جڤاکێ بگوھڕن لێ نوکە ودسەردەمێ گوڵوبالیزم وپێشکەفتنا تەکنە لۆژی وتوڕێن پەیوەندیێن جڤاکی یێ بەربەڵاڤ ولبەر دەست پڕانیا کەسان وبلەز وبساناھی گەھاندنا ڕاستەوخویا ھزر وبیر وزانیاریان وتیربون وزوربونا پەیوەندیێن تاکێن جڤاکێ وبساناھی گرێدان وبھێزکرن وبەردەوامی دان بوان توڕێن پەیوەندیان وبزحمەتبونا ڕێگریگرتنێ ژلایێ ھێزێن دەشتھەڵاتدەر ڤە وشاشی وستەمی یا دەستھەڵات دارن وخراب بکارئینانا ئامراز وئامیر وھێز وشیانێن دەستھەالڵات داریا نیشتیمانی ومەزاختن وتەرخانکرنا وان ژبو خزمەتکرن وگەشەپێدانا دەستھەڵاتداریا بنەمالی وتاکە کەسی دژێر سیبەر وپەردەیا نیشتیمان پەروەری و ھەلبژارتن ودیموکراسیەتا ئاڤس وخرش وئەگەر وکارتێکرنێن جیھانی ودەڤەری یێ دبنە ئەگەرا بلەزبونا گەھینا ڤێ ڤەلیڤینا جڤاکی یا بێ سەرکێش و ڕیڤەر وپیلان دانەر کە ڕەنگەئەڤ جورە ڤەلڤینە ببیتە ئەگەرا شوڕەشەکا بلەزا باش نەگەھشتی و ئاڤاھی دروستکرن لسەر بنەمایێ ھندەک ستونکێت دئەردی دا باش نەچکلایێ ولەقکەقوک .

لەوما نوکە دەم دەمێ دڵسوزیا ڕاست ودروستە ژبو بگەڕئێخستنا ھێزەکا مەزنا یا گەلەری و ڕوشەنفکری یا نیشتیمانی ونەتەوەی ژ بو ڕاستڤەکرن وئاراستەکرنا تاکێن جڤاکێ بەرەڤ شوڕەشەکا ھزری یا ئاڤاکەر ژپێمخەمەتی بنیاتنانا سەرشنوی یا جڤاکێ وفرشککرنا نڤشێن نوی یێن ئازادی خواز و شوڕەشگێر لسەر بنەمایێن بھێز یێن ئازادی ودیموکراسیەت ومرۆڤ دوستی ونیشتیمان ونەتەوە پەروەریە کا ڕاستەقینەیا کوردستانی یا ئاڤا کەر وبەرھەم ھێنەر ، جڤاکەک کە دەرفەتێن وەک ھەڤ وئەرک لگوڕ شیانان ومافێن وەک ھەڤ لگوڕ پێویستیان ببنە بنەمایێن ژیانا تاکێن جڤاکێ .
ژبو ئاڤاکرنا جڤاکەک خوڕسک و ڕەسەنا کوردستانی ژبو پاراستن وگەشەپێدانا چڤاک ونیشتیمانی .

بێکەس بەرواری
14.06.2020

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close