ئەڤرۆ ژئالیێ بالافرێن تورکیایێ ڤە ٨ گوندێن سنورێ قەزا زاخۆ هاتنە بومبەبارانکرن.
دلشێر عەبدولستار رێڤەبەرێ ناحیا باتیفا راگەهاند، ژ شەڤا دەربازبووى هەیا نها، ٨ گوندێن سنورێ قەزا زاخۆ ب ئاوایەکێ دژوار ژئالیێ بالافرێن تورکیایێ ڤە هاتنە بومبەباران کرن.
دیار کر ژی، ئارتێشا تورکیا ب رێکێن ئەسمانى و هشکاتى لەشکەرکێشیێ لسەر ئاخا هەرێما کوردستانێ دکەت، هەیا نها بەردەوام دەنگێ بالافر و توپ و تەقێ ل وی سنوری دهێتە بهیستن.
دازانین ژى، بسەدەما بومبەبارانان دەرگەهـ و پەنجەر و زیانێن زێدە ب وەلاتیێن وان گوندان شکەستینە و ترسەکا زێدە ل دەڤ خەلکێ وی سنوری درۆستکریە.
ئەڤە ژى د دەمەکێ دایە، ئارتێشا تورکیا ئۆپەراسیۆنێن خۆ بناڤێ چەنگێ پلنگی دەستپێکریە و بەردەوام ب ئاوایەکێ دژوار بومبەبارانا مەخمور و قەندیل و دەڤەرێن دی دکەت، هەروەسا ل سنورێ قەزا زاخۆ نزیکی ٤٠ گوندان هاتینە چوولکرن.
