ل شەڤا دەربازبووی و دچارچووڤێ ئۆپڕاسیۆنا (پەنجێن ئەلهۆ) دا، هێزێن كۆماندۆیێن توركیا رووبەرەكێ مەزن ژ دەڤەرا حەفتەنین دسنورێ قەزا زاخۆدا داگیركر.
هێزێن كۆماندۆیێن توركیا ب كووراتییا 3 كیلومەتران ب فڕۆكا هاتینە دناڤ ئاخا هەرێما كوردستانێدا، و ڕێڤەبەرێ ناحیا باتیفا خۆیاكر، كو ژئەگەرا بۆدومان و توپبارانێن سوپایێ توركیا،حەفت گوند ل وێ دەڤەرێ زیان بەخش بوون.
و هەر ل شەڤا دەربازبووی سوپایێ توركیا هێزەكا پەیادەیا مەزن ب پشتەڤانییا تانك و زریپۆشان ب رێیا دەریێ ئیبراهیم خەلیل یێ سنوری دەربازی هەرێما كوردستانێ كر.
لەشكەرێ توركیا داخواز ژ ئاكنجیێن چەندین گوندێن دەڤەرا بەرواری باڵا ژی كرییە گوند و دەڤەرێن خۆ چول بكەن، ژبەركو دێ شەڕێن دژوار ل وێ دەڤەرێ پەیدابن.
