ئەڤرۆ بۆ یەکەمجار ئارتێشا تورکیا چیایێ قەشەفرێ ل سنورێ قەزا سێمێلێ بۆمبەبارنکر.
ل دەمژمێر دوویێ پشتی نیڤرۆیا ئەڤرۆ پێنجشەمبیێ ئارتێشا تورکیا ب ڕێیا هێلیکۆپتەرێ چیایێ قەشەفرێ ل هنداڤی گوندێ سێجێ بۆمبارانکر و ترسەکا مەزن ل دەف وەلاتیان پەیداکر.
ئەڤە یەکەمجار ئەو دەڤەر و سنورێ قەزا سێمێلێ بگشتی ژ ئالیێ ئارتێشا تورکیا ڤە دهێتە بۆمبەبارانکرن.
ئەڤە ژی دەمەکێ دایە، کو هەر ئەڤرۆ بسەدەما بۆمبەبارانا بالەفرێن تورکیا وەلاتیەکێ خەلکێ ئاکرێ ل دەڤەرا سیدەکان شەهیدبوو.
هەر ئەڤرۆ ژی، جارەکا دی چەندین دەڤەر ل سنورێ قەزا ئامێدیێ ژ ئالیێ بالەفرێن تورکیا ڤە هاتنە بۆمبەباران کرن، ب وێ سەدەمێ ژی ئاگر ب هند جهان کەفت.
