كوردستانینووچه‌

حکومەتا هەرێمێ ڕاگەهاندنەک بەلاڤکر

پەیڤدارێ حکومەتا هەرێمێ ڕاگەهاندنەک دەربارەی بۆمبەبارانێن سەر هەرێمێ بەلاڤکر و تێدا گوتیە، “حکومەتا هەرێما کوردستانێ شەهیدکرن و زیان گەهاندن ب وەلاتیێن ژ ئالیێ هەر لایەنەکێ ڤە و ب هەر سەدەمەکێ بیت شەرمزار دکەت”.

ئەڤرۆ ئەینیێ، جوتیار عادل پەیڤدارێ حکومەتا هەرێما کوردستانێ د ڕاگەهاندنەکێ دا دیارکر، “ب دلگرانی و نیگەرانیەکا زۆر ڤە چاڤدێریا بوویەرێن ئەڤرۆ و چەند ڕۆژێن دەربازبوویێن دەڤەرێن سنوری دکەین، کو بووینە سەدەما گەهاندنا زیانێن گیانی و مادی ب وەلاتیێن سڤیل و گوندیێن وان دەڤەران”.

دایەزانین ژی، “حکومەتا هەرێما کوردستانێ شەهیدکرن و زیان گەهاندن ب وەلاتیان ژ ئالیێ هەر لایەنەکێ ڤە و ب هەر سەدەمەکێ بیت شەرمزار دکەت”.

بەحسا وێ یەکێ ژی کر، “داخوازێ ژ کۆمارا تورکیا دکەین ڕێزێ ژ سەروەیا ئاخ و نیشتیمانێ مە بگریت و پەکەکە ژی پێدڤیە وان دەڤەران ڤالا بکەت، هەیا کو چ دی نەبنە سەدەم بۆ دروستکرنا ئالۆزیێ ل دەڤەرێن سنوریێن هەرێما کوردستانێ”.

ئەڤە ژی دەمەکێ دایە، د دەما ٢٤ دەمژمێران دا بسەدەما بۆمبەبارانێن بالەفرێن تورکیا شەش کەس شەهیدبوونە کو پێنج ژ وان ل سنورێ قەزا ئامێدیێ و یەک ژ ل سنورێ سیدەکان بوویە.

نێزیکی حەفتیەکێیە، ئارتێشا تورکیا ب هێجەتا هەبوونا پەکەکێ ب ڕاگەهاندنا دوو ئۆپەراسیۆنان هێرشێن بەرفرەهـ بڕێیا ئەسمانی و پەژایی بۆ سەر بەشەک ژ دەڤەرێن هەرێما کوردستانێ دەستپێکرنە، ب دەهان جهـ ل هەریەک ژ شنگال، مەخمور، قەندیل، وەرتێ، ئامێدیێ و ئاکرێ بۆمبەباران و تۆپباران کرنە.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close