دادگەها بلندا دەستوری یا تورکیا راگەهاند، زیندانیکرنا سەلاحەدین دەمیرتاش نەیاساییە و مافێن وی هاتینە بنپێکرن، ب وێ سەدەمێ ژى سزایێن مادی بسەر وەزارەتا داد یا وی ولاتی دا سەپاندینە.
دادگەها بلندا دەستوری یا تورکیایێ راگەهاند، زیندانکرنا سەلاحەدین دەمیرتاش هەڤسەرۆکێ بەرێ یێ هەدەپێ بۆ دەمەکێ زێدەتر ژ وێ یا د یاسایێ دا بۆ هاتیە دانان لدیف خالا ١٩ێ یا دەستوری بنپێکاری کرینە.
دادگەهێ بریار ژى دا، وەزارەتا دادا تورکیایێ ب کوژمێ ٥٠ هزار لیرەیان بهێتە سزادان، کو ئەو پارە وەک قەرەبوو ب دەمیرتاش بهێتەدان، ئەو بریار ژى بۆ ١٩هەمین لقێ دادگەها سزایێن گران و وەزارەتا داد دهێتە دانان.
زێدەباری وێ یەکێ لدیف بریارا دادگەها مافێن مرۆڤی یا ئەورۆپی و لدیف دادگەها دەستورێ تورکیا مافێ دەمیرتاش هاتینە بنپێکرن و زیندانیکرنەکا نەیاساییە و وەزارەتا داد ب وێ سەدەمێ هاتیە سزادان، لێ دەولەتا تورکیا بەرهەڤ نینە دەمیرتاش ئازاد بکەت.
