بەرپرسەکێ پلە بلندێ تورکیا بۆ ئاژانسا ڕۆیتەرز ڕاگەھاندیە، کو ولاتێ وی دخوازیت بنگەھێن لەشکەریێن زێدەتر ل ھەرێما کوردستانێ دروست بکەت. دبێژیت ژی، دانانا بنگەھان دمەکییە.
ئاژانسا نووچەیا ڕۆیتەرز بەلاڤکر، بەرپرسەکێ بلندێ تورکیا کو نەخواستیە ناڤێ وی بھێتە ئاشکراکرن ڕاگەھاندیە، کو ئەنقەرە بەریا دەستکرن ب ڤان ھێرشێن ڤێ داویێ بۆ سەر ئاخا ھەرێمێ و ب ئارمانجگرتنا پێگەھێن پاراتا کارکەرێن کوردستانێ-پەکەکێ، پرس ب دەستھەلاتدارێن عێراقێ کریە.
دیارکریە ژی، “ھەرچەندە تورکیا زێدەتری ١٠ بنگەھێن لەشکەریێن دەمکی ھەنە، لێ مە پلان ھەیە بۆ دروستکرنا بنگەھێن لەشکەریێن زێدەتر د ھەرێما کوردستانێ”.
ئەڤە ژی دەمەکێدایە، ڕۆژا یەکشەمبیا دەربازبوویی، تورکیا د دوو ئۆپەراسیۆنێن لەشکەری دا و ب بکارئینانا بالەفرێن پێشکەفتیێن شەڕی، ھێرشێن بەرفرەھـ بۆ سەر چەند دەڤەرێن ھەرێمێ کرن و ڕاگەھاند، کو چەندین پێگەھێن پەکەکێ ب ئارمانج گرتنە.
