كوردستانینووچه‌

هۆلەندا.. ب چەقۆیێ هێرشی سەر ئەندامەکێ حزبا دیموکرات هاتە کرن

ئه‌ندامەکێ حزبا دیموکرات یا کوردستانێ ل وەلاتێ هۆلەندا ژ ئالیێ چەند کەسێن نەنیاس ب کێرێ هێرش هاتەسەرکرن و د نها دا بریندارە و د نەخۆشخانەیێ دایە.

حەسەن مەجیدی بەرپرسێ کۆمیتەیا هۆلەندا یا حزبا دیموکراتا کوردستانێ راگه‌هاند ”  ل باژاڕێ لیواردایینی ل هۆلەندا ژ ئالیێ چەند کەسان ب کێرێ هێرشی سەر سادق زەرزا کەسایەتیێ دیار و ئەندامێ بەرێ یێ رێبەرێ حزبا دیموکراتا کوردستانێ ل ئیرانێ”.

حەسەن مەجیدی بەحسا وێیەکێ ژی کر،” ناڤبری بۆ خواندنێ هایە ڤێ وەلاتی، لێ  چ گۆمان تێدا نینە کو کۆمارا ئیسلامیا ئیرانێ ل پشت  وێ بوویەرێ یە، ژبەر کو سادق کەسەکێ بەرنیاسێ حزبا دیموکراتا کوردستانێ و  خوارزایێ دکتۆر قاسملۆیە، بەریا نها ژی چەندین جاران بزاڤا تیرۆرکرنا وی هاتیە دان”.

سادق زەرزا خەلکێ باژارێ شنویە ل رۆژهەلاتا کوردستانێ، ٣٥ سالە ل هۆلەندا دژی، بەریا نها د ڕیکخستنێن حزبا دیموکرات دا بەرپرسیارەتی هەبوویە.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close