كوردستانینووچه‌

پارتی ڕاگەهاندنەک دەربارەی هێرشێن تورکیا بەلاڤکر

پارتا دیموکراتا کوردستانێ راگەهاند، ئەگەرێ بومبەبارانکرنا دەڤەرێن سنوری، هەبوونا هێزێن چەکدارێن ئۆپزسیۆنێن کوردیە د ناڤ ئاخا هەرێمێ دا، گوت ژى، “پەکەکە نزیکی ٥٠٠ گوندێن هەرێما کوردستانێ د بەدەست دانە و مە چاڤێن خۆ لێ نوقاندینە.

پارتا دیموکراتا کوردستانێ راگەهاند، ” زوور دلگرانینە لهەمبەر وان ئۆپەراسیۆنێن لەشکەری و توپباران و بومبەبارانێن تورکیا بۆ سەر ئاخا هەرێما کوردستانێ کو بووینە ئەگەرێ دلگرانیا وەلاتیێن سڤیل و نەبوونا ئەولەهیێ ل سنورێن هەرێما کوردستانێ”.

راگەهاند، “ئەڤ بابەتە یێ نوو نینە و سالێن دەربازبووى دووبارە بووینە، هەمی جاران و ئەڤ جارە ژى مە دگەل ئالیێن پەیوەندیدار ل هەردوو ولاتان ئاخفتیەو مە دلگرانیا خۆ راگەهاندیە، ئەوان تەکەزی لسەر وێ یەکێ کریە کو وان چ دژایەتی دگەل هەرێما کوردستانێ نینە ئەگەرێ بومبەبارانان ژى هەبوونا هێزێن چەکدارێن ئۆپزسیۆنێن کوردن کو د ناڤ ئاخا هەرێمێ دانە، و کریارێن لەشکەری لدژی توکیا و ئیرانێ دکەن”.

دیار ژى کر، ” د نها دا پەکەکێ نێزیکی ٥٠٠ گوندێن هەرێما کوردستانێ لبەردەستن و مە چاڤێن خۆ لێ نوقاندینە، لێ ئەگەر ئەڤ رەوشە یا بەردەوام بیت و ژبەر بومبەبارانان زیانێن مەزن ب هەرێمێ بکەڤن و جهێن دی یین هەرێمێ ژى دێ کەڤنە بەر مەترسیێ”.

ئەو یەک ژى تێدا هاتیە، “پێدڤیە هەمی ئالیەک وێ چەندێ تێبگەهیتکو خەبات و حکومرانی ب موزایدە و سیاسەتا نەبەرپرسانە ناهێتە کرن، ژبەر وێ یەکێ مە بەرى نها ژى گوتیە و نها ژى دبیژینکو ئەم دگەل خەباتا ئاشتیانە داینە بۆ چارەسەرکرنا پرسا کورد ل پارچێن دی یێن کوردستانێ و ئەگەر پەکەکە و ئالیێن چەکدارێن دی نکارن پێگیری بریار و حکومرانیا هەرێمێ ببن بلا شەری و چالاکیێن خۆ بۆ مەیدانێن خۆ یێن راسشتەقینە ببەن و ئێدی نەبنە سەدەمێ مالوێرانکرنا وەلاتیێن هەرێما کوردستانێ”.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close