نووچه‌

بەغدا.. حكومەتا كازمی گەف ل توركیا كرن و بڕیار دا سكالایەكێ‌ لسەر تومار بكەت

دبەردەوامییا ئۆپڕاسیۆنا ئەسمانی و زەمینی یا لەشكەرێ‌ توركی بۆ سەر ئاخا هەرێما كوردستانێ‌، ئەڤرۆ ڕۆژا ئێكشەمبی وەزارەتا دەرڤەیا عیراقێ‌ یاداشتنامەكا نەڕازیببونێ‌ ڕادەستی بالیۆزێ‌ توركیا كر.
ئەحمەد سەحاف پەیڤدارێ‌ بناڤێ‌ وەزارەتا دەرڤە یا عیراقێ‌ بۆ ئاژانسا دەنگوباسێن (عیراقیە) ڕاگەهاند، دیاداشتناما خۆدا وەزارەتا دەرڤە جەخت لسەر مافێ‌ عیراقێ‌ كرییە بۆ بەڕەڤانیێ‌ ژ سەروەری و ئێك پارچەیا ئاخا خۆ، و دیسان گەف ل توركیا كرینە كو ل جڤاتا تەناهیا نێڤدەولەتی سكالایەكێ‌ ل دژی حكومەتا ئەنقەرە تومار بكەت.
وەزارەتا دەرڤەیا عیراقێ‌ خۆیا كر، كو دڤێ‌ هەوا لەشكەركێشیێ‌ دا، سوپایێ‌ توركیا چەندین گوند و دەڤەرێن سنوری بۆردومان كرینە، و دئەنجامدا هژمارەكا وەڵاتیان هاتینە كوشتن، و زیانێن مەزن گەهشتینە ئاكنجیێن وان گوند و دەڤەرا، و چەندین گوند هاتنە چولكرن.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close