نێرین

دگەل ئازراندنا ئاریشان یان ژی چارەسەری یا دگەرێن؟

ئاکرێ،بێوارحسێن زێباری:

کۆ ئەڤرۆکە ژی جڤاکێ مە یێ تووشی گرفتەکا مەزن بووی ئەو ژی کۆ ئاریشا بازرگانی کرن ب کچان دھێت کرن ژ لایێ مال بێ کۆ ھزر یان ھەولێن چارەیێ ھەبن ژ لایێ خەلکی ڤە و کچەک ژی دبێژیت مالا و خزم کەس و کارێن مرۆڤی ھەمبەر خازتنا ھندەک زێران یان مالێ دونیایێ ناھێلن مرۆڤ ب دلێ خوە شوی بکەت .
پروسا پێکـ ئینانا ھەڤژینیێ تایبەتە ب بڕیارا دوو کەسان ڤە کۆ و ل ژیانا ھەڤژینیێ تێبگەھن و یاگرنگ ئەوە کۆ ھزر تێدا بیتە کرن نەکو بێ بریار و ھزر بچیتە ناڤ ھەڤژینیێ دا ، لێ ئەگەر ئەو تێگەھشتنە نەما یان نەبوو ڤی دەمی رامانا پرۆسێ دھێتە گۆرین و ل پرۆسێسا ھەڤژینیێ دبیتە پرۆسێسا بازرگانی و مرۆڤ لێرەدا رۆڵێ کالایەکی بازرگانی دگێریت ،ئەو پرۆسە ھیچ پەیوەندییەک ب زێرکرین و پارەی نینە لێ مخابن نھا ل جڤاکێن پاشکەڤتی وەکو مامەلەیەکا بازرگانی لێھاتییە و ل کیرینا دیارییا بۆ ئێکدو ھاتییە گھورین و خوازبینی وەکو موزاییدەکێ لێھاتییە و گوت ژی کۆ ” چەوا نھا کالایەکێ دبەنە جھەکێ و ھەر کەسەک بەھایەکێ بۆ کرینێ دادنێت نھا ژی ل زۆربەیا خوازبینیان بابێ کچێ ب ھژمارا مسقالێن زێری دەست پێدکەت و ھەتا دگەھنە رێکەوتنێ ب رەزامەندییا ھەر دوولایان!
کۆ ( ب راستی ئەڤ چەندە ئیھانەیە بۆ پرۆسێسا ھەڤژینیێ و مافێ مرۆڤی و جھێ داخێ یە کو ئافرەت ھەمی دەما داخازا مافێ خوە دکەت لێ ل رۆژا خوازبینیێ ب شێوازەکا زۆر سەیر ب ئارەزوویا خۆ نرخەکێ بۆ خوە دادنێت و ئەڤە ژی ئیھانەیە بۆ مافێ مرۆڤی، چونکی مروڤی نابیت نرخ ھەبیت، تڤیا کەسایەتی ھەبیت، ل جھێ گەنگەشەکرنا کەسایەتییا ھەر دوو لایان بھێتە کرن، ھەول بۆ نێزیک کرنا جۆرێ کەسایەتیا وان و باشتر تێگەیشتنا وان ژن و مێر ل ئێکدو بھێتە کرن و ئەڤ سەودایە نەمینیت ، لەوما پێتڤی نەک تنێ ئەڤ کەلتوورێ خواستنا پارە یان زێری بۆ ڤێ پرۆسێ نەمینیت بەڵکو مەرجێن زێر کرینێ ژی نابیت بمێنیت و و تڤیا سنورادار بیت و بێ جوداھی ھەمی ب ئێک ئەندازە کرینا زێری بھێنە مارە کرن و مەرجێن دیتر پەیوەندی ب ژن و مێران ڤە ھەبیت و کا دێ چەند زێرا وەک دیاری بۆ کریت و چ جۆرە ئۆتۆمبێل یان خانی لیرە دا ئاریشان دەست بیکەن و ناھێنە چارەکرن .

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close