سپێدەهیا ئەڤرۆ تەڕمێ وەلاتیەکێ ب کوشتی ل گوندێ خیزاڤان یێ گرێدایی ناحیەیا باتیفان یا سنورێ قەزا زاخۆ هاتە دیتن.
ئەمیر عەلی بەرپرسێ ڕاگەهاندنا ساخلەمیا زاخۆ ڕاگەهاند، نێزیک دەمژمێر ١١ێ سپێدەهیا ئەڤرۆ چارشەمبیێ، تەڕمێ وەلاتیەکێ بۆ نەخۆشخانەیا زاخۆ هاتیە ڤەگوهاستن کو هاتیە کوشتن و شوونا شەش گولەیان لسەر لەشێ وی هەنە.
دیارکر ژی، ب مەرەما پشکنین و ڤەکۆلینێ تەڕمێ وی وەلاتی بۆ نۆژداریا داد ل باژاڕێ دهۆکێ هاتیە ڤەگوهاستن.
ئەو وەلاتیە بخۆ خەلکێ گوندێ کەشانێیە، تەڕمێ وی ل گوندێ خیزاڤا یێ سنورێ ناحیەیا باتیفا هاتیە دیتن، خێزاندارە و زارۆک ژی هەنە.
ئەڤ بوویەرە ژی دەمەکێ دایە، تنێ د دەما ١٥ ڕۆژان دا ئەڤە کەسێ نەهێیە، کو ب بوویەرێن جۆدا جۆدا ل سنورێ قەزا زاخۆ جانێ خۆ ژدەست ددەن.
