پەیڤدارێ گشتیێ ھێزێن چەکدارێن عێراقێ ڕاگەھاند، د ئۆپەراسیۆنەکێ دا ل چیایێ قەرەچوخ یێ گرێدایی مەخمورێ ١٢ چەکدارێن داعشێ کوشتنە.
عەمید یەحیا ڕەسول د ڕاگەھاندنەکێ دا دیارکر، ب پشتگرێدان ب ڕێنمایێن فەرمانداریا گشتییا ھێزێن چەکدار و تەمامکرنا ئۆپەراسیۆنێن جۆری کو ل دەڤەرێن بزەحمەت دھێنە جیبجیکرن، ئۆپەراسیۆن بۆ سەر چیایێ قەرەچوخ ل قەزا مەخمور ئەنجامدایە.
دیارکریە ژی، دەزگەھێ دژە تیرۆرێ ب ھەڤبەندی دگەل بالەفرێن ئارتێشا عێراقێ و بالەفرێن ھەڤپەیمانیا ناڤدەولەتی کارینە ١٢ چەکدارێن داعشێ بکوژن.
ئەو یەک ژی زەلالکریە، لگۆری زانیاریێن ھەوالگری بالەفرێن ھەڤپەیمانان ٥٩ جھێن ڤەشارتیێن داعشێ ل دەڤەرێن چیایی کرینە ئارمانج.
