پەیڤدارێ سەرۆک کومارێ تورکیا راگەهاند، بەغدا و هەولێر د نەرازینە لهەمبەر هەبوونا پەکەکێ ل باکورێ عێراقێ، لێ هەیا نها ئیرادەکا یەکئالیکەر بۆ ژناڤبرنا وێ هێزێ نەهاتیە نیشاندان.
ئیبراهیم کالن پەیڤدارێ سەرۆک کومارێ تورکیا راگەهاند، د کڤانێ وان لهەڤهاتنێن هاتنەکرن، ئۆپەراسیون دێ ل شنگال و قەندیل و دەڤەرێن دی هێنەکرن، ئێدی دێ درێژی پێهێتەدان و لسەر هەڤدیتنان دگەل بەرپرسێن بەغدا و هەولێرێ ژی دێ بەردەوام بن.
دازانین ژی، تورکیا دەمەکە بزاڤان ددەت بۆ ژناڤبرنا وان هێرشێن کو پەکەکە د ناڤ ئاخا عێراقێ دا لهەمبەر ولاتێ وان دکەت، ب بەرپرسێن عێراقێ ژی راگەهاندیە، ئەگەر هەوە شیانێن وی کاری نەبن، دێ تورکیا ب خو ئەنجام دەت.
ئارتێشا تورکیا بەردەوام سنورێن هەرێما کوردستانێ بومبەباران دکەت و د ١٠ روژێن دەربازبووی دا، بومبەبارانێن وان بەرفرەهتر بووینە.
