نێرین

دا ئەم سۆپاسی و پێزانینێن خۆ ئاراستەی خەلکێ دهوك و زاخۆ بکەین

پیر هڤال باعەدری

سەبارەت پڕۆسە ڤەگراندنا ئاواران دئەڤێ قۆناغا سەخت و نالبار دا و بتایبەتی ئاوارێن نها لسنۆرێ پارێزگەها دهۆكێ دناڤ كەمپان و ژ دەرڤەی كەمپان دا نشتەجیی و ڤەگراندنا ئەوان بۆ سەر جهی و وارێن ئەوان ل هەر جهەكی هاتین ب تایبەتی خەلكێ شنگالێ ژبەركو شنگال كوردستانی بوو ل وێدەرێ كوردان دەسهەلات دگێران ژلایێ حكومی ڤە چەند فەرماندە و دام و دەزگەهێن میری و رێڤەبەری لێ هەبوون و ژ لایێ كلتوری و مێژوویی ڤە بحسێ رەسەنەیەتی یە چیایێ هێژیرا و تووتنێ و بەرخودانێ دناڤ كرینە و هاتیە گۆتن د هەلبەست و ئەستران دا ، هەروەسا ژلایێ حزبی ڤە هەمی پارت و لایەنێن سیاسی یێن كوردستانی ب تایبەتی پارتی دیموكراتی كوردستان و یەكێتی نیشتمانی كوردستان خودان چەند دەزگەهێن حزبی بوون و بارەگایێن رێكخستن و جەماوەری بوون بس پارتی دیموكراتی كوردستان ژ هەمی لایەكی ڤە خودان دەستهەلات بوو و هێزیێن خۆ یێن لێشكەری و ئەمنی جێگیر كربوو و تاك لایەنە بریار و سەرەدری دگەڵ خەلكێ شنگالێ ئەنجام دان و هەروەسا شنگال عیراقی بوو ژی چونكی ژ لایێ ئیداری ڤە لسەر حكومەتا عیراقێ بوو ، و پشتی تێكچونا پەیوەندیێن لایەنێن سیاسی یێن عیراقێ و كوردستانێ ب تایبەتی پەیوەندیێن كەسایەتی و ناكولكی و ململانیێن دناڤبەرا پارتی دیموكراتی كوردستان و حزب الدعوة یا بسەرۆكاتیا نوري المالكي و هاتنا رێكخراوا تیرۆریستی یا داعش و داگیركرنا دەڤەرێن كێشێن سیاسی لسەر ئانكو دەڤەرێن ڤەقتیەی یان سنورێ ماددا ١٤٠ ب تایبەتی سنورێ قەزا شنگالێ ب تەمامەتیی ب هەمی لایەكی ڤە كەفتە دبن دەسهەلاتدارییە ئەڤێ رێكخراوا تیرۆریستی یا بناڤێ داعش و د دەمەكی كورت دا ژی ئەڤێ رێكخراوا تیرۆریستی كۆمكوژیی ئەنجام دان ئێزدی یێن شنگالێ بوونە قوربانیێن سەرەكی د ئەڤێ هاوكێشێ دا و بازرگانی ب خوین و شەرەف و ئاخا ئێزدیان هاتە كرن و پشتی ئەڤێ قوناغێ چەند گۆرانكاریێن بەلەز لپێ خۆ ئینان و راگەهاندنا بەرنامێ ئابووری یە سەربەخۆ ژلایێ حكومەتا هەرێما كوردستانێ ڤە و ئەنجام دانە ریفراندۆمێ و شكستنا وێ ریفراندۆمێ كارڤەدانێن ناڤخۆیی و دەرەكی یێن ئەڤێ ریفراندۆما شوم لپێ خۆ ئینان ل ١٦ی ئۆكتۆبەرێ ل سالا ٢٠١٧ شنگال جارەكا دی هاتە فرۆتن ڤە ب تەمامەتیی كەفتە د بن دەسهەلاتداری هێزیێن عیراقێ لەورا پێتڤی بوو لسەر حكومەتا هەرێما كوردستانێ و حكومەتا عیراقا فیدرال دگەڵ رێكخراوێن حكومی و نا حكومی و رێكخراوێن ژ دەرڤە ، ئەڤ پرۆسە هەنێ برێك و پێكی و ب بەرنامە و پلان هاتبان رێكخستن و ئەنجام دان نەك بشێوەكی بەرەلا و عشوائی ژبەركو ئەگەر ئەم بەرێ خۆ بدینێ حكومەتا هەرێما كوردستانێ ئەڤ ئاوارێن هەنێ وەك كارتەكا فشارێ بكار دئینە د ئەڤان هەلومەرجێن نها دا ئەڤ كارتە هاتە سۆتن هندەك هاوكێشێن نوو و ڕێكەفتنێن نوو یێن پێشوەخت كو گرێدای سیاسەتە نێڤ دەولەتی ل سنۆرێ دەڤەرێ سەرهەلدان ب تایبەتی لسەر سنۆر و دناڤ سنۆر یێ هەر دوو ئالیا ناكولكی و كێشە و ئالۆزی و ململانیێن سیاسی و ئابووری و كێشێن دەستوری و كێشێن هاتنە هێزیێن توركیایە و لێدانا ئەوان ب حێجەتا هەبوونا هێزیێن پەكەكەی و یەپەكێ ل ئەڤان دەرڤەرێن لسەر سنۆری لێ مخابن ئەڤ یەكە دورست نینە پەكەكە ب ئاشكرایی راگەهاندن وەرن ئەم یێن هێرە ئەڤە د دەمەكی كو رۆژانە فرۆكێن توركیا سنورێ پارێزگەها دهۆك بوردومان دكەت و هەمی د بێ دەنگێن لسەر ئەڤێ یەكێ و هاتنا هێزیێن توركیایە ب بەرنامە و پلانێن توكمەیە و هەروەسا پشتگیریا ئەمریكا و هەلكرنا گۆپە كەسك بۆ توركیا ب رێكەفتن و نهێنی ل پست پەردێ هاتنە ئەنجام دان دناڤبەرا هەر دوو ئالیا دا و ئەڤە پرۆژەیەكی نێڤ دەولەتی یە ، ئەگەر بەرێ خۆ بدینە لاپەریێن مێژوویێ و ڤەكۆلینێ لسەر بكەین دێ دیار و ئاشكرا بیت ئەڤ یەكە و دێ مەترسیێن ئەڤێ چەندێ ژی دێ ئاشكرا بن ، ئەگەر بحسێ قوناغا نها یا عیراقێ بكەین دەربارەی گۆرانكاریێن هەنوكەیی یا دیار و ئاشكرایە عیراق خودان پێگەهێ سیادەیی یە و خودان ئالایە و سنورەك هەیە و خەلكێ وێ تێدا دژیت لسەر ئاستێ نێڤ دەولەتی و ئەگەر ئەم بەرێ خۆ بدینێ لسەر ئاستێ ناڤخۆیی دێ كومەلەكا كێشە قێران و ئالۆزی و ململانیێن سیاسی و ئیداری و مەزهەبی هەنە بەلێ چارەسەری دێ بۆ ئەڤان هەبیت هەروەسا لاوازكردنا عیراقێ ژی ئەڤ یەكە بوون بس پشتی هاتنا قوناغا كورونا و ژبەر هندێ هندەك رێگری هەبوون بس هیڤی و ئومێدەكا گەش و روون بۆ عیراقیە و عیراقستانێ زڤرینێن ئەو ژی پشتی تێكچونا پەیوەندیێن لایەنێن سیاسی و خەلك و جەماوەری و دەستپێكرنا قوناغا خۆپیشاندانەو بدوماهیك هاتنا ئەوان خۆپیشاندانە و گهورین و چاكسازی د هەمی بیاڤ و سیستمێ حكومداریێ دا لادانە سەرۆك وەزیرێ حكومەتا عیراقا فیدرال و دانانا بەرێز مصطفی كاظمي وەك سەرۆك وەزیرێ حكومەتا نوو یا عیراقێ دەست بكاربوونە ناڤبری ئومێدەكا دی دا عیراقێ و شیا عیراقێ لسەر پێن خۆ بهێلیت و رۆژ بۆ رۆژێ پێنگاڤ و قۆناغێن باش و باشتر د هاڤێتن و بەرنامێ وی یێ چاكسازیێ ژی یێ بەردەوامە وا دەست پێكری و گەلەك قۆناغێن سەخت و دژوار وێیت برین و دهێتە پێشبینی كرن كو مصطفی كاظمي كاندیدێ ئەمریكا بیت و گلۆپا كەسك بورا هلكربیت ب هەمی لایەكی ڤە پشتگیری و سەركەفتنا ناڤبری بكەتو بهێتە كرن ژبەر ئەوان دەستێن دەرەكی یێن دناڤ كاروباریێن حكومەتا عیراقێ دا هەمیان ببریت ب تایبەتی دەستێ ئیرانێ و هەروەسا مەرجێن عێراقێ زێدە كرینە دگەڵ شاندێ حكومەتا هەرێما كوردستانێ داكو سنورێ هەرێمێ دگەڵ توركیا ژی بكەفتە دەستێ عیراقێ و ئەوان زێدە گاڤیێن توركیا ببریت لەورا یا من دڤێت ئەز بێژم پشتی بورینا شەش سالان لسەر مال وێرانیێ و دەربەدەریێ و بناڤێ ئاوارەییێ دناڤ خیفەت و چادران د ل كەمپا ژین و ژیانا خۆ برێڤە دبیێن ب خۆشی و نەخۆشی ب دلەكی شكستی و تژی خەم و كوڤان و برین و ب چاڤێن تژی روندكێن زەلال ب غەریبەكا بێ سنوری ب دەست دانە هەزاران كچ و ژن و دایك و زارۆكێن باب و باپیران وێران كرنا مال كۆند و كۆمەلگەهە و باژێرێ ئەوان و هەردیسان ئەڤ ڤەگراندنا ئەوان ژی خەم و برین مەزنتر دبن و ل بیرا ئەوان دهێتە ڤە دەمێ مەزنترین رێكخراوا توندڕەوە تیرۆریستی یا داعش یا ئەو كۆمكوژی دژی خەلكێ شنگالێ ئەنجام دای و كەس بێ بەهر نە كری ژ ئەوێ نەهامەتیێ و دەردە سەریێ و قۆربانیدانێ ژبۆ ئاخ و وەلات و زمان و ئۆل و ئیمان و كلتور و ناسنامە مرۆڤەیەتیێ لێ خەلكێ مە هەر خۆ بێ هیڤی نەكر و جارەكا دی و پتر ژ جاران دەست ب ئاڤاكرنا مەزارگەهێن خۆ یێن ئۆلی و ئاینی یێن پیرۆز كرن و جهی و وارێن خۆ ئاڤاكرنە ڤە و دەست ب ژیانێ كرن و لاپەرەكی نوو یێ پڕ هیڤی و ئومێدیێن گەش لێ مخابن و سەد جار مخابن ئەڤ هەول و بزاڤ و بیر و باوەری و كلتور و ناسنامە و رەسەنەیەتی یە ئێزدیان ل ئێزدیدخانێ بێ گرێنتی كرن و بێ خودانی پێڤە دیارە بتنێ ئەڤ یەكە هەول و بزاڤێن تاكە كەسی یێن جڤاكێ ئێزدیان ئێزدیانە د هەمی قۆناغیێن بوری دا و د ئەڤێ قۆناغێ ژی دا دێ هوسا بیت ژبەر بێ خودان یە ئێزدیان نەبوونە شڤانەكی وەك پەزەكی بێ خودان لەورا هیڤی یە بۆ ئەڤێ قوناغێ و قۆناغا بهێت گەلێ مە یێ ئێزدی ب تایبەتی خەلكێ شنگالێ یەك بگرێن و یەك دەست بن ئیدی بلا ژین و ژیانا وە ب بەرنامە و پلانێن ئەستراتیجی بن داكو ل پاشەرۆژێ ب هیڤی و ئومێدیێن خۆ و گەلێ خۆ بگەهێن نە بنە قۆربانیێن كەسەكی دی تر و دیسان دەربەدەر و ئاوارە نە بینە ڤە ، دا ڤێرێ سۆپاسی و پێزانینێن خۆ ئاراستەی خەلكێ بادینان ب گشتی بكەین و خەلكێ دهۆكێ و زاخۆ ب تایبەتی بكەین دنیایەكا سۆپاسی و پێزانینێنە بۆ هەوە هەمیان هەی خەلكێ شەرەف مەندێ سەر بلند و خودان غیرەت و كەرامەت لسەر دەمێ فەرمانا ل حەفتی و چارێ هەوە دەستێ هاریكارێ بۆ خەڵكێ مە بگشتی درێژ كر و هەوە درگەهێن خانی و وار و مەزكەفتێن خۆ بۆ مە ڤەكرن و ئەو نان و ئاڤا هەوە دایە مە و زارۆكێن مە خودایێ مەزن ژ هەوە هەمیان رازی بیت خودێ خێر و خلمەتێن هەوە هەمیان قەبۆل بكەت دووبارە سۆپاس بۆ ئەڤی هەلۆیستێ هەوە یێ جوامێرانە و دلێرانە و مەردانە و شێرانە .

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close