ئێکەتی نیشیمانی کوردستان ل سەنتەرێ باژێرێ دهوکێ خودانا 10 بارەگایێن رێکخستن و راگەهاندنێ یە دئاستێ نەرازیبونێن خەلکی ژی دا ل داویێیە
ژ ڤەگەرا ئێکەتی نیشتیمانی کوردستان، ل سالا 2005 بو پارێزگەها دهۆکێ، خودانا زێدەی 15 بارەگایێن رێکخستن و راگەهاندنێ بو ل سەنتەرێ پارێزگەها دهۆکێ، پشتی ژدەزدانا زۆرا جەماوەری و قەیرانا ئابۆری، وەکە پارتا دەستهەلات دارا کوردستانێ، نها خودانا 10، بارەگایایە ل سەنتەرێ باژێرێ دهۆکێ، و خودان جەماوەرەکێ دەستنیشانکریە،ئانکو پارتا سێیەمە ل دهوکێ ،ل ئاستێ خاستەک و ئێش و ئازار و نەرازیبونێن فەرمانبەر و خەلکێ دەڤەرێ ژی ل داویێیە، بارەگایێن وێژیل سەنتەرێ دهۆکێ ئەڤەنە، 1ََ ٫مەلبەندێ چارێ رێکخستنا بەهدینان، 2،کومیتا ئێك،3 کومیتا دوو، 4کومیتا زانکۆ، 5رێکخراوێن دیمۆکراتی، 6پێشمەرگێن سەنگەر،7بارەگایێ پولیس و ئاسایش،8 کوردسات،9بادینان سات،10 ئێکەتیا ژنان،کو دەمەکی دا ئەگەر ئەم بەراوردیێ بکەین، ل سەنتەرێ باژێرێ دهوکێ باژێرڤانی خوەدانا 8 بشکایە، وەکە تێ زانین باژێرڤانی ژی ل سەر ئاستێ تەڤا جیهانێ، هەری گرنگ بو خزمەتا گشتی تێنە زانینن، لێ وەسان خویا دبیت کو ل هەرێما کوردستانێ هەبونا بارەگایێن حزبی گرنگترن،ژ رێڤەبەریێن حکومی یێن خزمەتا گشتی دکەن،هەروەها ئەگەر ئەم بەراورد بکەین، ئێکەتی ل دهوکێ لایەنێ سێیەمە و هیچ دەستهەلاتەك پێ نینە ئەڤ هەمی بارەگایا هەین ، ئەرێ نها ل سلێمانیێ خودانا چەندایە، دیسان،ئەگەر ئەم پیڤانەكێ دەربارێ وی ئەردی بکەین یێ ئێکەتی نیشتیمانی کوردستان تێدا وەکە بارەگا، هەر بارەگای ل سەر 300 مەترێن ئەردی بن، واتا 10 هزار مەترێن ئەردی ل سەنتەرێ دهوکێ ئێکەتی تێدا ب جی بویە، کو دەمەکیدا تنێ مەلبەندێ چار زێدەی سێ هزار مەترایە،ئانکو ژ ئاڤاهیێ رێڤەبەریا گشتیا باژێرڤانیێ مەستر،هەروەها ل دەڤەرا بەهدینان ژی ئێکەتی خودانا 32 بارەگایایە و هەر بارەگایەکی، 25 بو 100 کەسان دەوامێ تێدا دکەن، زاخۆ سێ بارەگا،سێمێل دوو، ئامێدیێ دوو، دێرەلۆك ئێك، شێلادزێ ئێك، فەیدیێ ئێك، مانگێشك ئێك،زاویتە ئێك،باتیفا ئێك،باعەدرێ ئێك،قەسروك ئێك،دینارتێ ئێك،ئاکرێ چار،بەردەرەش ئێك،شێخان ئێك،ئەڤەژی دەمەکی دایە، ئێکەتی نیشتیمانی کوردستان هەری زێدە، پرسا چاکسازیێ ل هەرێمێ تێخیتە زمان، کەسێن ل ڤان بارەگا ژی دەوامێ دکەن زوربەیا وان موچەیێن خوە ژ حکومەتێ دستینن و ل بارەگایێن حزبی کار دکەن، تو یێ هەولاتی دڤێ مژارێدا چ بێژی؟
