نێرین

بەزاندن یان بێبهاکرن

سەردار هێتوتی

هەرێما کوردستانێ دەستکەفتەکێ سالێن نوتا بوو، د دەمەکی دا هاتە هەبوونێ دەما کاودان د گونجای، سوڤیەت نەما و دیوارێ بەرلینێ هەرفی و بەعسا پشتی گرتنا کووێتێ نەزانی چاوا رەڤین.
کاودان د نازک بین و سەربوورا ڕێڤەبرنێ ل نیک سەرکرداتیا کوردی نەبوو، ب هزرا شورەشگێری هاتنە سەر کورسیکا ڕێڤەبەریێ و بلەز کەفتنە جانێ ئێک.
هەرێما ئاسێ یا کو دیر ژ دەریا و ئاڤێ و دورپێچکری ب داگیرکەران کەفتە ژێر هەرەشە و فشارێن تورکیا و ئیرانێ، دەست پێکێ ئەم ب فیتکا وان کەفتینە جانێ براینیێ و پاشان ئەو ب بەهانا پارتێن کوردی یێن دژبەری خۆ و هەر سال ب ناڤەکی و بەهانەکێ کەفتنە ناڤ ئاخا کوردستانێ.
ناهێتە ماندەل کرن کو هێزا چەکداری یا پەکەکێ و هەر دوو بالێن حزبا دیموکراتا کورستانا ئیرانێ و کۆمەڵا شورەشگێران ل سەر ئاخا هەرێما باشوور هەنە و هند ژ وان کارێ سیاسی و هند ژی یێ لەشکری دکەن لێ هەر کارەکێ لەشکری یێ ڤان پارتان ل دەرڤەی ئیرادا هەرێما کوردستانێ یە و کۆنتروڵکرنا وان د شیانا هێزێن لەشکرێ کوردستانێ دا نینە.
د ڤان ۲۹ ساڵێن بوری دا مل ب ملێ گەندەلیا بەرپرسین باشوور، لەشکرێ ڤان هەر دوو وەڵاتان ژی چ ب زەمینی بیت یان ئەسمانی سەروەریا ئاخا هەرێما کوردستانێ بن پێ کریە، جەبار یاوەر ئەمیندارێ هێزێن پێشمەرگە د دیماهی داخۆیانی دا دبێژیت‌‌‌: د پێنج مەهێن ئێکێ یێن ساڵا ۲۰۲۰ دا ۱۳۷ جارا عەرد و ئەسمانێ کوردستانێ هاتیە بەزاندن.
ئەگەر باش لنینە بشێت کارەکی بکەت و حکومەتا عیراقا فیدرال ژی هەم د شیان دا نینە ڤان بن پێکرنا ل سەر ئاخا خۆ یا فیدرال ڕاوەستینیت و د لایەکێ دیتر دا ژی ناخازیت ڕاوەستینیت چونکی ب ڤان فشاران دێ هەرێم هەرا بچیک بیت.
لەورا ئەوا ئەڤڕۆ ل سەر ئەسمان و ئاخا ڤێ هژمارا سەری بنێرین دێ خۆیا بیت کو چ تشتەک ب ناڤێ هەرێما کوردستانێ نینە دا چ هێزەک رێزێ ژ سەروەریا وێ بگریت و د ئاست ڕاوەستاندن و نەهێڵانا ڤان بن پێکرنان ژی حکومەتا هەرێمێ د وی پێگەهی دا.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close