هێزەکا زۆرا پێشمەرگەی ل هەژمارەک گوندێن سنورێ ناحیەیا بامەرنێ هاتنە بنەجهکرن و ڕێڤەبەرێ وێ ناحیەیێ ژی دبێژیت، ئەو هێزە بۆ ڕێگریکرنێیە ژ ڤەلڤینێن پەکەکێ.
حەمید زوبێر ڕێڤەبەرێ ناحیەیا بامەرنێ ڕاگەهاند، ئەو هێزا پێشمەرگەی یا هاتیە سنورێ ناحیەیا وان ل شەش گوندان هاتنە بنەجهکرن و بەلاڤکرنا وێ هێزێ ژی ب مەرەما وێ یەکێیە داکو ڤەلڤینێن پەکەکێ لێ نەمینن.
پشتی زێدەبوونا شەڕێ ناڤبەرا تورکیا و پەکەکێ، ڤەلڤینێن هێزێن عێراقێ و پێشمەرگەی ژی زێدەبوونە و هەری داوی ژی هێزەکا فەرماندا دهۆک بۆ سنورێ ناحیەیا دەرکارێ هاتیە ڤەگوهاستن و ل دەردورێن گوندێ شەرانشێ و چەند دەڤەرێن دی هاتینە بنەجهکرن، کو پێشتر هێزێن پەکەکێ ڤەلڤین د ڤان جهان دا هەبوون
