نێرین

چاکسازی ب ئۆنلاینێ ناهێت کرن

پرسا چاکسازیێ پرسەک نوی نینە،بەلکۆ دهەردوو کابینێن بەری نهۆدا ژی ،ئێک ژ وان شەرت ومەرجێن کۆ سەرنجا دەنگدەران بلایێ خۆڤە کێشای بابەتێ چاکسازیان بوویە و دکابنەیا هەشتێ دا ب بیانۆیا چاکسازیێ و کەزاختنا هند بادەکێن بندیوارا کۆ هەڵبەت ئەو بندیوار وزێدەگاڤیێن پێشتر هاتین کرن هەر ژداهێنانا پێکهینەرێن سەرەکیێن حکۆمەتا هەرێمێ بووینە،لێ دوێ کەزاختنێ دا کۆ دڤیان برێکا پڕۆژەیێ بایومیتری دا ،رێژا مۆچەخۆران بگەهینە وی قەدارەی کۆ ل گەل حکۆمەتا عەبادی وپاشان عادل عەبدولمەهدی بگەهنە رێکەفتنەکێ و ئەو بودجەیا کۆ ب هەلەیەکا دیروکیا رایەدارێن حکۆمەتا هەرێمێ لبن ناڤێ سەربەخۆیا ئابۆری هاتیەبرین جارەکا دی پنی بکەن و هندەک ژوێ بودجی بزڤرینن،لێ یاڕاستی بیت ئەو خەرچیێن ل کۆمپانیا بایومیتر ی دا هاتینە خەرچکرن کۆ دیسان یابێ بەرهەم بوو بخۆبخۆدا دیسان گەندەلیەکا دن زێدەکر، دکابینا نەهێدا کۆ ئێک ژ درویشمێن وێ هەرێم وحکۆمەتەکا بهێزبووە ،هەر وەکی چاکسازیی وهەرێمەکا بهێزژی هەر دێ ب زهنیەتەک ئاژانس و پاراستنێ ڤە ئێتە هەبوونێ ، چاکسازیێ زهنیەت وئیرادەیێن جۆدا تر پێۆیستن ،زەلامێن بڤێن چاکسازیان بکەن، ژخۆ دەبیت ئێکەم پێنگاڤ سازیێن پاقژ ژکەسانێن پاقژ ئاڤابکەت دابێت چاکیا دوان سازیاندا بکەت، یێن بڤێن چاکسازیێ بکەت،دەبیت ورەو ئیرادەیا چاکیان هەبیت و کەسەکێ پێشەنگ بیت و لهەمێ دەلیڤ ودەمان بێتەدیتن و لناف ئێش وژانێن خەلکی دا بیت، نەک ل بڵندترین کۆچ وتەلارێن هیندا دەمێن خۆ بورینیت و برێکا پەیچان ژی بانگێن هەرێمەکا بهێز وچاکسازیا بکەتن،لەوان ژێ سادەترین جۆداهی دناڤبەرا سەروک وەزیرێ ئیراقێ کۆ هێش دمەها خۆیا ئێکەمدایە ،لێ براستی وەک دبێژن هندی خیارە ژتیتکی دیارە، جۆداهیەک ناڤبەرا ئەردوو ئاسماندا لگەل سەروک وەزیرێ هەرێمێ ویێ بەغدا داهەیە وبکۆرتێ ئەف جۆداهی یە بەسن مرۆڤ هەڤبەرکرنەکێ دکەسایەتیا هەردووکاندا بکەت.
جۆداهیا دناڤبەرا سەروک وەزیرێ عیراقێ ویێ هەرێمێ.
٭ – یێ عیراقێ لپشت مێزا ناروینیت و چ چاکسازیاژی لپشت لاپتوبا ناکەتن ، کەسەکێ مەیدانی یەوکۆمبوونا جڤاتا وەزیران ژی هەرجارێ ل پارێزگەهەکێ دکەتن. و وەزیرێن خۆژی ئینانە ئیشتەئیشتێ.
٭ یێ هەرێمێ ژی تنێ هەکە قردێلەک هەبیت تێتە دیتن و لپشت مێزێ و ب لاپتوبێ جڤاتێ دبینیت و چاکسازیێ ژی برێکا ئۆنلاین ئەنجام ددەت.
هەڵبەت درویشمێ مەژی هەرێم وحکۆمەتەکا بهێزە؟

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close