نێرین

عیراق و چارەسەری!

عیراقا ب سەر و بن، ژ دامەزراندنێ تا ئەڤرو، دناڤ کێشمەکێشمەکا بێ دیماهیک د لەیزیت، دیارە ئەگەرێ سەرەکی یێ ڤان کێشمەکێشما ژی، کێشا راستەقینە یا مللەتێ کوردە، ژ بو وێ چەندێ کو عراق، ژ ڤان کێشمەکێشما دەرباز ب بیت، ل پێشیا هەر پێنگاڤەکێ ل سەر وێ پێتڤی یە کێشا کورد وەک خاک و مللەت چارەسەر بکەت، ڤێجا ئەڤ چارەسەرکرنە، ب هەر ئاوایەکی بیت.

ب دیتنا من، ئینانا بەرێز کازمی، دگەل پاڵپشتیەکا بهێز ژ بال ئەمریکا و هەڤپەیمانێن وێ، میناک فرەنسا، ئێکەم پێنگاڤ ژ بو بهێزکرنا سەروەریا خاکا عیراقێ، چارە ڤەدیتنا کێشا کوردی یە، بەلگە ل سەر ڤێ چەندێ، رژدیا فرەنسا ب هەڤکاری ل گەل ئەمریکا، لێک نێزیک کرنا ئالیێن کوردی ل روژئاڤا، ڤان سینیالا تینن بەرچاڤ.

هەروەسا دوهی ل بەغداد یا پایتەختێ عیراقێ، د گوتنێن خوەدا وەزیرێ دەرڤە یێ فرەنسا گەلەک رژدی ل سەر سەروەریا پاراستنا عیراقێ هات کرنێ، ژ بو پاراستنا ڤێ سەروەریێ، بێ ڤەدیتنا رێگە چارەسەریەکا رەها دگەل کوردا، مەحالە ئەڤ چەندە بجهـــ بهێت، ژ بەر وێ د بینم، ئەڤرو ل هەولێرا پایتەخت، ڤی چانتکێ وەزیرێ دەرڤە یێ فرەنسا ب پشتا خوە ڤەکری یێ ڤالا نابیت، ئەوژی دیارە رازیکرنا کوردایە ب بن پالپشت ل ڤێ سەروەریێ، هەلبەتە پالپشتا هەولێرێ ژی یا بێ مەرج نابێت؟ لێ کا دێ ب چ ئاوای بیت، لەوانەیە ئەڤرو باشتر دیاربیت!
لێ یا دهێت خاندن و نێرینێ، ئەوە مادێ سەد و چل ب هەڤرایا پێشمەرگەی دگەل لەشکەرێ عیراقێ بهێت رێڤەبرن، دگەل وێ ژ فیدرالیێ پتر ب هەرێمێ بهێت بەخشێن، بەرامبەری وێ حکومەتا ناڤەندی، بشێت ژ زاحو تا ئوم قەسر یا بالا دەست بیت!
دگەل پێشهاتا هەر تشت پتر خویا دبیت، دێ بین تەماشەڤان و گوهدارێن دەنگ و باسا کا دێ کیژ ژ ڤان سلاڤی مە کەن…

سگڤان ئەرتیسی
17-7-2020

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close